پولنډ کې تندر څلور کسان وژلي او ۱۰۰ ټپیان دي
د عکس سرچینه، EPA
د پولنډ لومړي وزیر متیوسز موراویسکي ویلي، په دې هېواد کې تندر لږ تر لږه څلور کسان وژلي او ۱۰۰ نور يې ټپيان کړې دي.
تندر د تاترا په نوم لوړو څوکو کې د غر ختوونکو پر یوې ډلې غورځېدلی چې د هېواد په سویل کې موقعیت لري.
پنځم کس په ګاونډي هېواد سلواکیا کې وژل شوی دی. ویل کیږي د قربانیانو په ډله کې یو ماشوم هم شامل دی.
تندر سهار داسې مهال غورځیدلی چې اسمان شین و.
لومړي وزیر ویلي: "هېچا تمه نه کوله چې داسې څه به پېښېږي، خو زموږ له نظره داسې پېښه ده چې اټکل یې ناممکن و."
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د غره په بېلو برخو کې د تلفاتو خبره شوې ده. څلور د ژغورنې الوتکې سیمې ته استول شوې دي.
پېښه تېره ورځ ناوخته د (Giewont) په نوم د غرونو په څوکه شوې چې نژدې دوه زره متره لوړوالی لري، چیرې چې وسپنه هم شته.
تندر هغه مهال غورځېدلی چې غر ختوونکي د یوې وسپنې خواته د غره په څوکه کې روان و.
سیمه کې د غره یوه اوسېدونکي داسې ویډیو خپره کړې چې پړکه (برېښنا) پکې کیږي.
