د هند په ښوونیز مرکز کې اورلګېدنې ۲۰ کسان وژلي
د عکس سرچینه، Getty Images
هندي چارواکو ویلي چې د دې هېواد په یوه تعلیمي مرکز کې اورلګېدنې لږ تر لږه ۲۰ کسان وژلي دي.
د سورات سیمې لویدیځه څنډه کې دغه ښوونیز مرکز کې اور لګیدلو سره زدکوونکي لیدل شوي چې ځانونه یې له دې ودانۍ لاندې غورځول.
ډېری قربانیان د همدې مرکز ماشوم زدکوونکي ښودل شوي.
چارواکي وايي تر اوسه د اورلګېدنې کره لامل مالوم نه دی.
په دې پېښه کې شاوخوا ۲۰ کسان ټپیان شوي او د ګجرات یوه روغتون ته لېږدول شوي دي.
د اور وژنې یوه سیمه ییز چارواکۍ ډيپک ساپتالي رسنیو ته ویلي، زدکوونکي د ځان راغورځولو او اور له امله وژل شوي دي.
د قربانیانو عمرونه تر شلو کلونو کم ښودل شوي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
ویل کېږي د قربانیانو شمېر ځکه زیات دی چې اورلګېدنه د ځینو(پوړیو) شاوخوا شوې او د تېښتې لار بنده شوې وه.
د هند لومړي وزیر نرندرا مودي په ټویټر د قربانیانو له کورنیو سره خپله خواشیني ښودلې او چارواکو ته یې امر کړی چې مرستې ته ودانګي.
