''جنوبي کوریا: پیونګ یانګ خپل اتومي ازموینځي تړي''
د جنوبي کوریا چارواکي وايي، د شمالي هغې مشر ژمنه کړې چې راتلونکې میاشت د خپل هېواد د اټومي ازموینو مرکزونه به د یولړ مراسمو په ترڅ کې له منځه یوسي.
د جنوبي کوریا چارواکي وايي، د شمالي هغې مشر ژمنه کړې چې راتلونکې میاشت د خپل هېواد د اټومي ازموینو مرکزونه به د یولړ مراسمو په ترڅ کې له منځه یوسي.
د جنوبي کوریا ولسمشرۍ ماڼۍ ویلي، ددې مراسمو لیدو لپاره به نړیوال کارپوهان هم د ګډون لپاره وروبولي.
ویل کېږي چې د دواړو کوریاګانو مشرانو په لومړۍ تاریخي لیدنه کې، د شمالي کوریا مشر ویلي، د خپل هېواد وخت به له جنوبي کوریا سره یوشان کړي.
ددوی ترمنځ نیم ساعت فرق دی.
دا څرګندونې د ټرمپ تر هغه اعلان وروسته شوې، چې ګني له شمالي کوریا سره به خبرې "راتلونکو درو یا څلورو اونیو کې پیل شي''.
د جنوبي کوریا ولسمشرۍ ماڼۍ ویاند مون جای این ویلي، دا تړل به په عام ډول ترسره کېږي.
د عکس سرچینه، Getty Images
بل خوا، ولسمشر ټرمپ له کیم جونګ سره ګډه ناسته ستایلې چې په وینا یې ''دا به ډېره مهمه ناسته وي او د کوریا له نیمه ټاپو نه به د اتومي وسلو د ایستلو په تړاو مهمې خبرې وشي''.
د امریکا د بهرنیو چارو نوي وزیر مایک پومپیو دا ''ښې خبرې'' بللې دي.
نوموړي د جمعې په ورځ وویل، کیم او د جنوبي کوریا مشر مون جای اېن پر دې سلا شول چې دغه نیمه ټاپو به له اتومي وسلو پاکوي.
د دواړو کوریاګانو پرپوله دا ناسته د دوی له سختو لفظي شخړو څو میاشتې وروسته جوړه شوه، چې شمالي کوریا پکې ان د جګړې ګواښ هم کړی و.
د عکس سرچینه، Getty Images
د دواړو کوریاګانو مشرانو ویلي، له امریکا او چین سره به د کوریا د ۱۹۵ کال د جګړې ختمېدو په اړه رسمي خبرې وکړي.
دواړو غاړو تر جګړې وروسته د اوربند اعلان وکړ، خو بشپړه سوله یې رانه وستله.
