سوري حکومت د م. م د اوربند وړاندیز رد کړی
د عکس سرچینه، SANA
د سوريې حکومت اوربند لپاره د ملگرو ملتونو وروستى وړانديز رد کړى دى.
دا کار داسې مهال شوى، چې د سوريې د شمالي ښار حلب د کنټرول پرسر د دولتي ځواکونو او وسله والو مخالفانو ترمنځ سخته جگړه روانه ده.
د ملگرو ملتونو له لوري د وړانديز شوي اوربند يو شرط دا و چې د حلب ختيځه برخه دې د حکومت مخالفو په ولکه کې پاتې شي، او وسلوال جهاديان له سيمې ووځي،چې لږ تر لږه په حلب کې د وژنو لړۍ ودرېږي.
خو د سوريې حکومت دغه هېواد لپاره د ملگرو ملتونو د ځانگړي استازي ستېفن دېمستورا دا وړانديز رد کړ.
د سوريې د بهرنيو چارو وزير وليد معلم وويل دا به ترهگرو ته د امتياز ورکولو په مانا وي.
"دا هېڅ د منلو نه ده چې خپل نژدې ٣٠٠زره وگړي د شپږ يا اووۀ زرو وسله والو په ولکه کې يرغمل پرېږدو. په نړې کې هېڅ داسې يو حکومت به نه وي چې دا ومني."
کلورین بیلري بم
په حلب کې جنگ جگړو دوام موندلى او د دغه ولايت له دواړو غاړو ختيځ او لوېديځه د تاوتريخوالي تازه رپوټونه رارسېدلي.
د عکس سرچینه، AFP
د عکس سرچینه، AFP
د حکومت مخالفو د ولکې له سيمې را رسېدلي رپوټونه د يوۀ کلورين لرونکي بيلري بم د غورځېدو له امله د يوې بشپړې کورنۍ د وژل کېدو خبر راکوي.
د حلب د ښار يوۀ اوسېدونکى وويل د دغې کورنۍ غړي د ساه بندېدو له امله مړه شوي.
بل لوري ته د سوريې حکومتي رسنيو ويلي چې د حلب په لوېديځه غاړه کې پر يوۀ ښوونځي د ياغيانو له لوري توغول شويو توغنديو د لگېدو له امله لږ تر لږه اته ماشومان وژل شوي دي.
د عکس سرچینه، AFP
د عکس سرچینه، Reuters
