ماشومتوب کې د موږکانو له نیولو تر کرملین ماڼۍ: پوتین څنګه پوتین شو؟

ولادیمرپوتین ۲۵ کاله وړاندې، هغه وخت چې لا یې هم د کرملین واګې په لاس کې نه وې اخیستې، یوه نا پېژندل شوې څېره وه.

اوس دی په کور دننه په ډېرېدونکې توګه په استبدادي مشر بدل شوی او پر اوکراین د برید په ګډون، د هغه پرېکړې په نړیواله کچه د ده چلند بیانوي.

کرملین ته له تګ وړاندې چې د ده د ژوند په تړاو څومره پوهېږو، خپله د ده له کیسو دي چې په وار وار یې ویلې دي.

د پوتین له ماشومتوبه چې موږکان یې نیول تر هغه بدلونه چې د ده برخلیک یې تر سیاست ورساوه، موږ د هغه لومړنیو کلونو ته کتنه کړې چې د مشر (لېډر) تر شا د یوه سړي په تړاو موږ ته څه را زده کوي.