تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
سنرايزرز حيدراباد کرېکټ لوبډلې د جلال اباد پېښې په ياد تورې پټۍ تړلې دي
د هند کرېکټ پرېمیرلیګ لوبډلې سنرایزرز حیدراباد د جلال اباد پېښې د قربانیانو یاد او درناوي لپاره نننۍ لوبه کې پر بازو تورې پټۍ تړلې دي.
د شنبې په شپه شاوخوا ۱۲ بجې د ننګرهار ولایت په جلال اباد ښار کې بهسود پله ته نژدې کرېکټ لوبغالي کې پرله پسې درې چاودنې وشوې.
هغو چاودنو کې لږ تر لږه ۹ کسان ووژل شول او نژدې ۵۰ نور په کې ټپیان شول.
د چاودنې پر وخت د ګل اغا شېرزي لوبغالي کې د رمضان کپ کرېکټ لوبې روانې وې.
نن ای پي اېل کې د سن رایزرز حیدراباد او چېنای سوپر کېنګز تر منځ پایلوبې ته د لارموندنو پړاو لومړۍ لوبه کېږي.
د سن رایزرز لوبغاړو په لاس به د لوبې تر پایه توره پټۍ تړلې وي.
سن رایزرز حیدراباد لوبډله کې دوه افغان لوبغاړي راشد خان او محمد نبي هم لوبېږي.
راشد خان له شنبې ورځې لوبې وروسته د جلال اباد پر پېښې خواشیني ښوولې وه.
د افغانستان کرېکټ بورډ پر خپلې ټوېټر پاڼې د سن رایزرز حیدراباد لوبډلې دا ګام ستایلی او له دوی یې مننه کړې.
پر ټولنیزو رسنیو نورو خلکو هم سن رایزرز پر دې ګام ستایلی دی.
