شافیکوینس لوبډلې الوتکې نسکورېدل: قربانیان، ژوندي وتلي او پاتې لوبغاړي

په کولمبیا کې د دوشنبې ورځې د الوتکې نسکورېدو وروسته چې د برازیل فوټبال ډېر لوبغاړي پکې ووژل شول، د شافیکوینس لوبډله وپاشل شوه.

د الوتکې غورځېدو په پېښه کې د ۷۷ سپرو کسانو له ډلې یوازې ۶ کسان ژوندي پاتې شول. دغه لوبډله د کولمبیا په مېډېلین کې د خپلې یوې تاریخي لویې لوبې ترسره کولو لپاره روانه وه.

د شافیکوینس ۱۹ لوبغاړي د روزونکو په ګډون مړه شول او په ژوندي پاتې کسانو کې درې لوبغاړي دي.

تلفات

+ د الوتکې لوېدو کې له برازیلي لوبغاړو سره ۷۶ کسان وژل شوي

+ برازیل کې د لوبغاړو له مړینې وروسته ملي ویر اعلان شوی

مارکوس ډانلو پادیلها، ۳۱ کلن، ګول ساتونکی

سلېبر سانتانا لویریرو، ۳۵ کلن، منځنی لوبغاړی (مېډفیلډر)

برونو رانګل، ۳۴ کلن، بریدګر لوبغاړی (سټرایکر)

تیاګونیهو، ۲۲ کلن، بریدګر لوبغاړی (سټرایکر)

لوکاس ګومز دې سیلوا، ۲۶ کلن، بریدګر لوبغاړی (سټرایکر)

فلیپ جوز مچادو، ۳۲ کلن، مدافع (ډېفنډر)

اېورټن کمپس دوس سانټوس ګونکالوز، ۳۴ کلن، بریدګر لوبغاړی (سټرایکر)

انانیاس اېلیو مونتیرو، ۲۷ کلن، بریدګر لوبغاړی (سټرایکر)

ویلیام تیېګو دې جېسس، ۳۰ کلن، مدافع لوبغاړی

جوسیمار روسادو دې سیلوا تاوارېس، ۳۰ کلن، مدافع منځنی لوبغاړی (ډېفنسف مېډفیلډر)

ډېنر اسونکاوو براز، ۲۵ کلن، لفټ - بک

ګیلیرمی ګېمنز دې سوزا، ۲۱ کلن، رایټ - بک

سرجو مانویل باربوسا سانتوس، ۲۷ کلن، منځنی مدافع لوبغاړی (ډېفنسیف مېډفیلډر)

ماتیوس بیتنکورت دې سېلوا (ماتیوس بایتیکو)، ۲۱ کلن، مدافع منځنی لوبغاړی (ډېفنسیف مېډفیلډر)

جوز ګلدېکسون کلېمنټې دې پایوا (ګېل)، ۲۹ کلن، مدافع منځنی لوبغاړی (ډېفنسیف مېډفیلډر)

اېلټن سېسار جونیور الفس دې سېلوا (اېلټن کانېلا)، ۲۲ کلن، بریدګر لوبغاړی

ارتور برازیلیانو مایا، ۲۴ کلن، منځنی لوبغاړی (مېډفیلډر)

مارسیلو اګوستو ماتیاس دې سېلوا، ۲۵ کلن، مدافع

ماتیوس لوسینا دوز سانتوس (ماتېنوس کارامېلو)، ۲۲ کلن، لفټ بک

ژوندي وتلي لوبغاړي

له دې هوایي پېښې د درېیو لوبغاړو په ګډون شپږ کسان ژوندي وتلي دي.

جاکسن رګنار فولمان، ۲۴ کلن، ګول کیپر

آلن لوسیانو روسچل، ۲۷ کلن، لفټ - بک

هیلیو هرمیتو زامپیر نیتو، ۳۱ کلن، مدافع

هغه لوبغاړی چې په دې سفر کې نه وو

د سیمه ییزو رسنیو د راپور له مخې، د لوبډلې پاتې نهه غړي په دغه چارټر شوې الوتکه کې له نورو لوبغاړو سره ملګري نه

په دوی کې الخاندرو مارتینوسیو، نېنم، دېمرسن، مارسیلو بوییک، اندري، هایرون، نيوالدو، مویسز او رافېل لیمه و.

ګول کیپر مارسیلو بوییک ځکه له نورو لوبغاړو سره ملګری نه و چې د زوکړې ورځ یې وه.

د لوبغاړو استازي پرتګالي ورځپاڼې ته ویلي چې نوموړي په خپل کور کې د خپلې زوکړې ۳۲ مه کلیزه لمانځله.

الخاندرو مارتینوسیو په پام کې وه چې له تلونکو لوبغاړو سره وي، خو د ټپونو له امله کور کې پاتې شو. هغه پر خپل ټویټر ولیکل چې "زما د لوبډلې ملګرو لپاره دعاوې وکړئ."

پخوانی ګول کیپر نیوالدو نه و غوره شوی، نو هغه ښایي د برازیل لیګ فصل کې د اتلتیکو مینېرو پروړاندې د خپلې ۳۰۰مې لوبې لپاره چمتووالی نیوه.

تر پېښې وروسته دغه ۴۲ کلن لوبغاړي وویل؛ ده غوښتل سملاسي له لوبې سره خدای پاماني وکړي، خو اوس غواړي چې د خپلو فقیدو همکارانو په ویاړ په وروستي لوبه کې ولوبېږي.

هغه وویل: "زما د لوبډلې ملګرو ښایي غوښتل چې زه دغه لوبه وکړم". "زه نه پوهېږم چې څنګه به له خلکو ډک سټډیوم کې ودرېږم چې د مړو شویو لوبغاړو نومونه یادوي. زه فکر کوم، موږ به هڅه وکړو. خو دا به ډېره سخته وي."

د شافینکوینس لوبډلې د منېجر لویز کارلوس سارولی زوی ماتیوس سارولي الوتکې ته ختلی و، خو دا چې خپل پاسپورت یې هېر کړی و، بېرته برازیل کې پاتې شو.