اوکراين کې مظاهرې دويمې ورځې ته غځېدلي
اوکراین کې اپوزېسیون مشرانو د ولسمشر ویکټر یانکوېچ هغې پرېکړې پر ضد، چې له اروپايي اتحادیې سره یې د ملګرتیا یوې هوکړې لاسلیکول رد کړي، د دویمې ورځې لپاره د پراخو مظاهرو غږ کړی.
زرګونه کسان د پلازمېنې کېیف مرکزي چوک کې یو ځای شول او لاریونونو ټوله شپه دوام درلود.
اپوزېسیون دغه راز د ولسمشر ماحکمې او نویو ټاکنو ترسره کېدو غوښتنه کوي.
د ښاغلي یانوکوویچ ضد مظاهرې یوه اونۍ مخکې پیل شوې او لسګونه مظاهره کوونکي هغه مهال خوږ شول، چې پولیسو یې په کوتکو ووهل.
ولسمشر ویلي د پولیسو رویې غوسه کړی دی.
