په سوات کې اوربند د هغه چينايي انجنير له راخوشي کېدا وروسته کېږي، چې پنځه مياشتې وړاندې تښتول شوی و .

هلته د روانو نښتو له امله سلګونه کسان وژل شوي او زرګونو نور هغو سيمه پرې اېښې ده .

دا پرمختګ وروسته له هغه شوی، چې د پاکستان حکومت په سوات کې د شرعي نظام په راوستلو سلا شو .

هلته اورپکي چې يوه کلنه جګړه پرمخ وړي، وايي چې حکومت سره يې خبرې اترې ګټورې وې او ښايي دا اوږدمهال سوله رامنځ ته کړي .

په سوات کې اوربند د هغه چينايي انجنير له راخوشي کېدا وروسته کېږي، چې پنځه مياشتې وړاندې تښتول شوی و .

د سوات په دره کې د طالب اورپکو يوه تن وياند ويلي چې د اوربند دغه لړۍ ښايي چې د ځايي حکومت او طالبانو ترمنځ نېک ګام وي .

په دې دره کې د طالبانو يو مشر صوفي محمد وايي چې حکومت دې د سوات او ملکنډ په سيمو کې اسلامي شريعت نافذ کړي .

دا په داسې حال کې ده چې په سوات کې زرګونه زده کوونکي د زده کړې له نعمت څخه بې برخې شوي دي .

په پاکستان کې د طالب اورپکو د فعاليتونو لړۍ تر ښارونو غځېدلې ده، چې په دې اړه د دغه هېواد ولسمشر اصف علي زرداري په اندېښنه کې دی .