خپلواک ساپى له کابل څخه

	د افغانستان او پاکستان ترمنځ پر يو بل له پرله پسې نيوکو او گيلو وروسته اړيکي هغومره ښه نه دي چې ملگري ملتونه يې غواړي

ټېنگار يې دا وو چې هيڅ هيواد بايد اجازه ورنه کړي چې خاوره يې د ورانکارو لپاره په خوندي سيمه واوړي .

سيمې ته د ملگرو ملتونو د سازمان د دغه لوړ پوړي چارواکي له دې وروستي سفر او له ولسمشرانو حامد کرزي اوپر ويز مشرف سره د هغه له ليدو کتو داسې بريښي چې سازمان لا هم د کابل او اسلام اباد ترمينځ د اړيکو د ترينگلتيا له اړخه انديښمن دى .

جان ماري گوهينو د خپل سفر په وروستۍ ورځ په کابل کې خبريالانو ته وويل چې له کابل او اسلام اباددواړويې غوښتي چې د گرم بللو د بې پايلې لوبې پر ځاې په خپلو کې همکارۍ ته مخه کړي .

ده د دواړو هيوادونو تر مينځ ښې اړيکې او گډه همکاري دسيمې د امن او ثبات تر ټولو اغيزمنه لاروبلله . ټينگاريې دا وو چې له دا ډول همکارۍ پرته پر پوله د القاعده او طالبانو د تگ راتگ کنټرول ناشونى دى .

(( د يو بل دگرم بللو د لوبې د دوام لپاره هيڅ دليل نشته . دواړه لوري د داسې تجويزونوپر مخې ته کولو اړدي چې پر مټ يې خپل منځي اړيکې پړاووپه پړاوو وده وکړي . د گډې پولې کنټرول د خپل منځي مظبوطې همکارۍ له شته والي پرته ناشونې کار دى .))

د ښاغلي گوهينو يو بل ټينگار دا ووچې حکومتي مشران بايد اجازه ورنه کړي چې خاوره يې د ده په وينادورانکا رو لپاره دامن سيمه شي .

(( هر يوه ته پکار ده چې پرېنژدي خاوره يې د پټيدو خوندي سيمه شي . پوهيږو چې دا يوه ستونزمنه چاره ده . خو که همکاري موجوده وي نو بيا دغه کار شونى بريښي. د پولې دواړو غاړو ته د سيمه يز امن د جرگو په څير گامونه په دې برخه کې اغيزمن وتى شي . البته په دې کې له بهرنيو او ځايي اورپکو سره په چلن کې توپير ته اړتيا ده . خو موخه بايد له هره اړخه په کنټرول کې د حالاتو راوستل وي . ))

د همکارۍ په تړاو له دوه اړخيزو ژمنو سره سره د کابل او اسلام اباد اړيکې په تيرو څلورو کلونو کې په دوامداره توگه له لوړو ژورو ډکې پاتې شوي .

کابل په پاکستان کې د خپلو وسله والو مخالفانو د پټيدو او سمبالدو له اړخه اسلام اباد گرم بولي .

خو پاکستان وايي چې د ترهگرۍ خلاف جگړه کې يې تر بل هر چا زياته ونډ ه اخيستې اوپه دې اړه د کابل او نړيواله ټولنې شکونه بې انصافي بولي .