طاهر خان له اسلام اباده

	په پاکستان کې اوس هم څو ميليونه افغان کډوال ژوند کوي

د موافقې ترمخه د نوم ليکنې او شناختي پاس لرلو په بنسټ به افغان کډوال پاکستان کې دننه د سفر کولو هم حق ولري .

د نوم ليکنې په اړه د اپريل په ١٩ ( د وري ٣٠ ) اسلام اباد کې
د پاکستان د سرحدي چارو د وزارت مرسيتال سيکتر قمرزمان چوهدرى او پاکستان کې د (UNHCR)استازې ،ګينټ کوبرى کرسټوس، لاسليک چې دستوره کې د گډون لپاره پاکستان ته په سفر راغلى د (UNHCR) مرستيالې مشرې ،وينډى چيمبر لين، او د پاکستان د سرحدي چارو وزير سردار يار محمد رند ګډون وکړ.

د UNHCRپه خپاره شوي يو بيان کې ويل شوي چې
د افغانستان د کډوالو او بيا ستنيدو وزارت هم د موافقې برخه ده.
د پاکستان د سرحدي چارو وزير وويل چې کوم افغان خپل نوم رجستر نه کړي نو پاکستان کې به يې حيثيت د يو غير قانوني کډوال وګرځي.

پاکستان وايى چې هيواد کې د افغان کډوالو د تير کال
سر شميرنه او اوس د هغوى د نوم ليکنې عمل د کډوالو
د واپس ستنيدو د پروسې برخه ده.

د تير کال د سر شميرنې ترمخه اوس هم پاکستان کې شاوخوا درې اشاريه څلور ميلينه افغان کډوال موجود دي.

د موافقې ترمخه د نوم ليکنې په عمل کې به کډوال پاکستان ته د راتلو وخت ، افغانستان کې د هغوى پخوانى ځاى ، ژبه ، پاکستان کې د اوسيدو ځاى او افغانستان ته واپس ستنيدو په لار کې د مشکلاتو په اړه معلومات ورکوي.

د UNHCRمرستيالې مشرې وينډى چيمبر لين خبري کانفرنس ته وويل چې د نوم لينکې پروسه به پاکستان کې افغان کډوال خوندى کړي .

ميرمن چيمبر لين زياته کړه چې خپل هيواد څخه بې کوره شوي خلک بايد چې ګاونډي هيوادونو کې د پناه او خوندي پاتې کيدو ځاى ومومي.
UNHCRوايى چې د نوم ليکنې په پروسه به پنځه اشاريه نهه ميلينه ډالر لګښت راشى چې د برابرولو ذمه وارى يې
د UNHCRپه غاړه ده.

پاکستاني وزير وويل چې د پېسو ترلاسه کولو سره سم به يو څو مياشتو کې د نوم ليکنې عمل شروع کړي.

UNHCRوايي چې د نوم ليکنې پروسه به پاکستان او
د کډوالو اداره د دې جوګه کړي چې په لومړي وار د کډوالو په اړه اسناد ولري .