عبدالمالک عاصم له کابله

	کابل ته د راغلي ايراني پلاوي مشري د بهرنيو چارو مرستيال وزير کوله د افغانستان له لورې د ولسمشر کرزي د بهرنيو چارو سلاکاره شريفه شريف وه

افغان او ايراني چارواکو په خپلو کې داړيکو د لا پراخولو په موخه په افغان پلازمېنه کې خبرې پيل کړې چې د دواړو غاړو ډېر ټينگار د فرهنگي اړېکو په پراختيا و .

په دې وروستيو کې د تهران او کابل داړيکو په پراخوالي او ټينگوالي په پرلپسې توگه خبرې کيږي چې ورسره جوخت افغانستان د څو لوړ پوړ اېراني چارواکو کوربه شو.

دافغانستان د بهرنيو چارو په وزارت کې د دواړو هېوادونو د استازو ترمنځ په جوړه شوې غونډه کې په ډاگه شوه چې دواړه هېوادونه گواکې گډ تاريخ ، فرهنگ او ژبه لري .

په غونډې کې د ايراني پلاوي ډېر ټينگارپه فرهنگي ډگر و چې په دې برخه کې ېې له افغانستان سره د مرستو اعلان وکړ .

دناستې موخه په سېمه کې د روان سياسي ، پوځي ، اقتصادي ، چاپيريال، انرژۍ ، کډوالو او نورو موضوعگانو په اړه بحت وښول شو.

د ايران د بهرنيو چارو مرستيال وزير منوچهر محمدي د ډېرو جزئېاتو له ورکړې پرته خبريالانو ته وويل چې گواکې د دغې سېمې په خلکو له بهره ستونزې تپل کيږي .
((موږ ددغې سېمې ملتونه په خپلو کې کومه ستونزه نه لرو. ستونزه له بهره پر موږ تپل کيږي. نو زموږ باور دادى چې له يوه او بل سره مرسته وکړو.))

د سيمې د ستونزې دڅرنگوالي په اړه نورڅه ونه ويل شوچې څوک څرنگه اوپه څه ډول ستونزې پيدا کوي خو دايران د اتومي پروگرام څخه نړيوال په ځانگړي توگه متحد ايالات خوښ نه دي .

همدا يو دليل دى چې د تهران او واشنگټن اړېکې خړې پړې دي. که څه هم اېراني پلاوي د امريکا نوم وانه خيست، خو په تېرو وختونو کې ايرانپه خپل گاونډ کې دمتحدو ايالتونو له حضور څخه نا خوښي ښولې ده .

افغانستان وايي چې له خپلوگاونډيو او لويديځ سره د ښو اړيکو د ساتلو په لټه کې دى .