مصطفى سالک له کابله

	د افغانستان د خپلواکو خبريالانو د ټولنې مشر رحيم الله سمندر وويل که تير پنځه کلونه په پام کې وي وخت په وخت ددغې تاو تريخوالي په کچه کې ډير والى راغلى دى

خو ددوى په وينا له بده مرغه د افغان حکومت مخالفين،خپله د افغان حکومت ځيني چارواکي او په دغه هيواد کې ميشت بهرني ځواکونه ټول په ځينو برخو کې د خبريالانو په وړاندې له تاو تريخوالي نه کار کار اخلي .

د افغانستان د خپلواکو خبريالانو د ټولنې مشر رحيم الله سمندر وويل که تير پنځه کلونه په پام کې وي وخت په وخت ددغې تاو تريخوالي په کچه کې ډير والى راغلى دى .

ان دا چې يوازې په تيره اونۍ کې له خبريالانو سره د تاو تريخوالي تر پنځو ډيرې پيښې ثبت شوي دي نوموړى يې د بيلگې په توگه د څو پيښو يادونه کوي چې په ترڅ کې يې خبريالان نيول شوي او د ثبت وسايل يې ترې اخستل شوي دي

په پاريس کې د ملگرو ملتونو د فرهنگي دفتريونيسکو مرستيال موگين شميت هم په دغه غونډه کې گډون کړى وو نوموړى په دى موخه کابل ته راغلى دى چې د خبريالانو د ستونزو او نورو اړوندو مسايلو په اړه د افغانستان له ملي شورا،نورو دولتي چارواکو او د ناټو په مشرۍ له بهرنيو ځواکونو سره خبرې اترې وکړي.

نوموړي وويل چې ملگري ملتونه د خبريالۍ په برخه کې پر ځينو معيارونو باور لري چې بايد د ټولو غاړو له خوا په پام کې ونيول.

نوموړي زياته کړه چې افغان خبريالان د مطبوعاتو د هغه قانون په اړه هم ځينې انديښنې لري چې پارلمان ته د تصويب لپاره وړاندې شوى دى ښاغلي شميت وويل چې دغه انديښنې به هم د پارلمان له غړو سره شريکې کړي .