عبدالمالک عاصم له کابله

	په ولسي جرگه کې نن استازيو د خپل هغۀ همکار وژنه وغندله چې پرون په رڼا ورځ په کابل کې نامعلومو کسانو وواژۀ .

دوى په حکومت تور ولگاوچې داستازو امنيت ته ډير پام نه کوي . دملي شورا غړي وايي دوى د امنيتي گواښ سره مخامخ دي .

له تېرو څو مياشتو را هېسې د شورا او حکومت ترمنځ د امنيتي ساتونکو او د استازو تنخواگانوپر سردنظر توپير موجود دى .

په ولسي جرگې کې د لوگر ولايت استازې شکيلا هاشمي وايي څو مېاشتې وړاندې يې دکابل په شير پور کې ځوانه لور د نا معلومو کسانو لخوا په ډزو سره ووژل شوه .

دا وايي تردې مهاله د دې د لور وژونکى او د وژلو انگېزه نه ده معلومه . ددې په څېرد ولسي جرگې نورو غړو هم د امنيت په نشتوالي نيوکه کوله.

د جرگي د شنبې ( د سلواغې ٧ د جنوري ٢٧ ) ناسته تر ډېره برېده پر دې راټوله وه چې په پلازمينه کابل کې هم د دوى امنيت خوندي نه دى .

په کابل کې د سمنگانو ولايت د استازي اسلام محمدي له وژل کېدو يوه ورځ وروسته په ملي شورا کې دې موضوع جدي غوښتنې او نېوکې را پورته کړې .

ټولو استازو د خپل امنيت په اړه جدي اندېښنې درلودې . دوى له حکومت نه غوښتنه وکړه چې يا دې امنيتي ساتونکي او يا پيسې ورکړي چې دوى دخپل امنيت لپاره کسان وگماري .

د ننگر هار ولايت استازي فاروق ميړني تور ولگاو چې حکومت د جرگې د استازو امنيت ته ښه پام نه کوي . :

(( حکومت د وکيلانو د امنيت په برخه کې همکاري نه کوي . د افغانستان دښمنان

له تېرو څو مياشتو را هېسې د شورا او حکومت ترمنځ د امنيتي ساتونکو او د استازو تنخواگانوپر سردنظر توپير موجود دى .

له تيرو څو مياشتو را پدې خوا د ملي شورا غړي له حکومت څخه د امنيتي ساتونکو غوښتنه کوي چې ددوى په وينا حکومت پرې غوږونه کاڼه کړي .

په تېر يوه کال کې د افغانستان د ملي شورا په څو غړو بريدونه شوي . په وروستي بريد کې دولسي جرگې غړى اسلام محمدي د کابل په داسې سيمه کې په ډزو سره ووژل شو چې د يو شمېرنورو په پرتله ډېره خوندي بلل کيږي .

تردي مهاله دده د وژل کېدو لامل معلوم نه دى . ولسي جرگې د ده د وژونکي او د پيښې د څرنگوالي د معلومولو غوښتنه وکړه .

اسلام محمدي د طالبانو دواکمنى پر مهال د باميانو والي و، چې پر همدې وخت کې طالبانو په هغه ولايت کې د بودا تايخي مجسمي ونړولي .

د طالبانو دواکمنۍ له نړېدو وروسته دى په خپل کور ناست و او د پارلماني ټاکنو په ترڅ کې د سمنگانو له ولايت څخه ملي شورا ته غوره شو.