ميرويس افغان

	طالبان له نامعلومه ځايه په داسې تيلي فونونو زنگ وهي چې شميرې يې پټي وي

دغه قومندانان د طالبانو مشهور خلک نه دي خو په ځايي کچه د دوى د وسله والو کسانو مشري په غاړه لري .

د دوى گيله په ځانگړې توگه له نړيوالو راډيوگانو څخه ده . دغه وسله وال طالبان تور لگوي چې گواکې نړيوالې راډيوگانې د جگړو ، چاودنو او ځانمرگو بريدونو په څير پېښو کې د دوى دريځ نه خپروي .

دغه راز ادعا کوي چې د طالبانو له لورې د دوى په وينا د جگړو په ترڅ کې برياليتوب راډيوگانې نه يادوي .

د وسله والو طالبانو له لورې دا دويم ځل دى چې ورځپاڼه ليکونکو ته دغه ډول گواښنه کيږي .

تير کال هم وسله والو طالبانو خبريالانو ته گواښ کړى و چې د بشري حقونو نړيوالو ادارو پرې سخته نيوکه وکړه او دا عمل يې د بيان له ازادۍ سره په تضاد کې وبالۀ .

د افغانستان سويلي ولايتونه د طالبانو له واکمنۍ راهيسته تر ټولو نا امن دي . دغلته خبريالان د خبر په ټولولو او موندلو کې له خورا ډيرو ستونزو سره مخامخ وي .

د وسله والو طالبانو ويندويان يوازې هغه مهال له خبريالانو سره تماس نيسي چې د ځان په گټه خبر خپرول غواړي دغه راز ځايي چارواکي هم له داسې ځايونو ورځپاڼه ليکونکي راگرځوي چې د دوى زړۀ يې نه غواړي .

د وسله والو طالبانو له خوا دغه وروستي گواښونه هم له نامعلومو ځايونو په داسې تيلې فونونو شوي چې شميرې يې پټې دي .