 |  لطيف الله حکيمي منلې چې دغه مېرمن ددوى د وگړو له خوا وژل شوې ده. |
د افغانستان په جنوب کې چارواکو تاييد کړې چې يوه افغانه مېرمن په زابل ولايت کې په دې تور وژل شوې چې له امريکاييانو سره يې همکاري کوله. دغه مېرمن چې نوم يې ندى ياد شوى، د زابل په ميزانې ولسوالۍ کې په خپل کور کې د شپږو وسله والو په ډزو ووژل شوه او بريد کوونکي وتښتېدل. د طالبانو يوه وياند لطيف الله حکيمي منلې چې دغه مېرمن ددوى د وگړو له خوا وژل شوې ده. طالبانو پخوا هم دغسې وژنې کړې وې خو دا لومړى ځل دى چې يوه ښځه ځې پدغه ډول وژلې ده . افغان چارواکي وايي چې دې له حکومت سره کوم تړاو نه درلود. او د غلطو معلوماتو پر اساس وژل سوې ده. داسي فکر کيږي چې د ډير وخت راهسې دا لومړى ځل دى چې طالبانو افغان ښځه وژلې ده. امريکايانو او افغان حکومت مخکې خبردارى ورکړى و چې د اکتوبر د ټاکنو وړاندې به ياغان حملې ډيري کړي. | 
دا پاڼه کوم ملگري ته ولېږئ
چاپي بڼه