متين سمسور له کابله

	د ملي راډيو ټلويزيون ريس نجيب روشن هم ادعا کړې چې گواکې له ده سره د وزير اختلاف د همدغو شخصي سليقو پايله ده .

ښاغلي روشن د يوه خبري کانفرانس په ترڅ کې دغه تور ولگاوه او ادعا يې وکړه چې گواکې وزير د قانون خلاف د راډيو افغانستان نوى ريس ټاکلى دى .

د حکومتي مسوولينو تر منځ اختلافونه هغه څه دي چې د ځنو په و ينا د گټو او شخصي سليقو تر منځ د ټکر پر مهال په افغانستان کې په دوامداره توگه د يو شمير چارواکو تر منځ رامنځته کيږي .

د ملي راډيو ټلويزيون ريس نجيب روشن هم ادعا کړې چې گواکې له ده سره د وزير اختلاف د همدغو شخصي سليقو پايله ده .

ښاغلي روشن د اطلاعاتو او کلتو ر پر وزير تور ولگوه چې دده په چارو کې په لاسوهنې سره غواړي چې گواکې دى اړ کړي چې استعفا وکړي .

(( د فرهنگ او ځوانانو د وزير ټوله هڅه دا ده چې زه استعفا ورکړم ، خو زه ستاسو په وړاندې او د خلکو نظريو ته په اعتماد او باور سره په ډاگه وايم چې تر هغې به استعفا ورنکړم چې د افغانستان ولسمشر حامد کرزي نه وي غوښتي .))

خو ښاغلي روشن د خپلو دغو ادعاو د ثبوت لپاره داسې څه وړاندې نه کړل چې وښيي چې څنگه او په څه ډول د اطلاعاتو او کلتور وزير دده په چارو کې لاسوهنه کوي او دى اړ باسي چې استعفا وکړي .

د فرهنگ او ځوانانو د وزير ټوله هڅه دا ده چې زه استعفا ورکړم ، خو زه ستاسو په وړاندې او د خلکو نظريو ته په اعتماد او باور سره په ډاگه وايم چې تر هغې به استعفا ورنکړم چې د افغانستان ولسمشر حامد کرزي نه وي غوښتي نجيب روشن

خو ده د افغانستان راډيو د ريس په توگه د غني مدقق ټاکنه ، د اطلاعاتو او کلتور د وزير لخوا د قانون خلاف کار وباله او تو ر يي ولگاه چې وزير غواړي چې دده په وينا په دې کار سره ، خپل کسان د راډيو ټلويزيون په مهمو څو کيو کې ځاى په ځاى کړي .

خو دا هغه څه دي چې يو شمير فرهنگيان د راډيو ټلويزيون پر ريس هم نيوکه کوي چې په پر دغې دندې د ټاکل کيدو څخه وروسته ، ځان پوري تړلي يو شمير کسان يې په راډيو ټلويزيون کې راټول کړي او گواکې چې يوازې همدغو کسانو ته لوړ ډالري معاشونه ورکوي .

د اطلاعاتو او کلتور او ځواناتو د وزير په توگه د ښاغلي خرم د ټاکل کيدو څخه وروسته ، ځينو کسانو ، د ده او د راډيو ټلويزيون د ريس تر منځ د اختلافونو د شتوالي خبره کوله ، خو د ا لومړى ځل دى چې ددوى تر منځ دغه اختلاف رسنيو ته راوځي .