د عبدالمالک عاصم رپوټ له کابله

	د اريانا تلويزيون په افغانستان کې يو له برياليو خصوصي کانالونو څخه دى

ددغه تلويزون مرکز په کابل کې دس او د افغانستان په ٥ لويو ښارونو کې سيمه ييز دفترونه لري .

د اريانا خصوصي تلويزيون په يوۀ بيان کې ويلي چې تردې وروسته به دارېانا تلوېزون له لارې په متحده ايالاتو کې ميشت افغانان نېغ په نيغه د افغانستان حالات ويني او ددغه هېواد له سيمه ييزو فرهنگې مسا يلو نه به خبرېږي .

اريانا تلويزون د تېر کال په اگست کې کورنۍ خپرونې پيل کړې او دا وخت په افغانستان زېات لېدونکې لري.

دغه تلويزون پر پښتو ، دري او انگليسى ژبو خبري ،سياسي ښونېز ،ټولنېز ، اقتصادي ،لوبيز ، تاريخي ،د ماشومانو ،او ځوانانولپاره گڼې تفريحي خپرونې لري .

داريانا تلويزون مشر احسان الله بيات هيله کوي چې تلويزون يې په امريکا کې ميشت افغانان له خپل هيواد سره وتړي او د هغوى ځوانان او ماشومان دتلويزونې پروگرامونو له لارې د افغانستان د کلتورې ميراتونو او دودونو سره اشنا کړي .

د ارېانا تلويزون په پام کې لري چې ډېر ژر په اروپا کې هم خپرونې پيل کړي .

د هنر او ادب نور خبرونه د دې ځاى په کېکاږلو ترلاسه کړئ