 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
پاکستان کې د کډوالو نوم ليکنه گړندۍ شوه | |||||||||||||||||||||||||||||||||||||||||||||||||||||||||||||||||||||||||||||||
د ملګرو ملتونو د کډوالو ادارې ، UNHCRويلي دي چې پاکستان کې د افغان کډوالو د نوم ليکنې د کمپاين په ترڅ کې يې تر دې وخته د ٢سوو زرو څخه زياتو کسانو نومونه ليکلي دي. اسلام آباد کې په خپور شوي يو بيان کې UNHCR په افغان کډوالو غږ وکړ چې د روان کال د دسمبر د مياشتې تر پايه د کمپاين تر بشپړيدو وړاندې دې خپل نومونه وليکي. بيانيه وايي چې د اکتوبر په ١٥ پيل شوي کمپاين کې تراوسه ٢١٩٧٢٦ افغان کډوالو ځان راجستر کړى دى. صوبه سرحد کې ٩٩٩٥٥ پنځوس ، بلوچستان کې ٥٥٦٥٠ ، سند کې ٢٥٣٧٩ ، پنجاب کې ٣٤٥٣١ او د پاکستان تر ولکې لاندې کشمير کې ٤٢١١ کسانو نومونه ليکلي دي. د تير کال د سرشميرنې ترمخه پاکستان کې ٣.٤ ميليونه افغان کډوال موجود دي. د دغې عمل راهيسې ٥٨٠٠٠٠ افغان کډوال خپل هېواد ته ستانه شوي چې دا وخت پاکستان کې شاوخوا ٢.٤ ميليون کډوال موجود دي. UNHCRوايي چې تيره اوونۍ د کډوالو د نوم ليکنې عمل ګړندى شوى و چې د نوم ليکنې مرکزونو کې د ګڼې ګوڼې له امله نور کارکوونکي په کار ګمارل شوي دي. پاکستان کې د UNHCR مرستيال استازي اندريکا راتاوتې په افغان کډوالو غږ وکړ چې بغير د انتظار دې زر تر زره خپل نومونه وليکي. UNHCRوايي چې هر هغه افغان وګړي ته به يو شناختي پاس ورکړي چې د دغې کار په بنياد به هر افغان وګړى تر دريو کالو پاکستان کې د اوسيدو قانونى حق ولري. د پاکستان د رياستونو او سرحداتو وزير يار محمد رند وايي هغه افغان کډوال چې خپل نومونه ونه ليکي نو هغوى ته به پاکستان کې د غير قانوني کډوال په حيث وکتل شي. UNHCRد نوم ليکنې د عمل لپاره پاکستان سره د شپږو ميليونو ډالرو امداد کړى دى . | ورسره تړلي نور خبرونه  پاکستان کې د کډوالو نوم ليکنه روانه ده02 نومبر, 2006 | خبرونه له پاکستان نه سږ کال په لسگونو زره کډوال ستانۀ شوي11 جولاى, 2006 | خبرونه پاکستان کې د کډوالو نوم ليکنه پيليږي08 سپتمبر, 2006 | خبرونه پاکستان کې افغان کډوال ٣ کلن سند ترلاسه کوي19 اپريل, 2006 | خبرونه له پاکستانه د افغان کډوالو ستنيدل گړندي شوي03 اپريل, 2006 | خبرونه م.م.: پاکستان څخه په خپله خوښه د افغانانو ستنېدل روان دي03 اپريل, 2006 | خبرونه م . م : ځينې افغان کډال ښايي ستنيدو ته چمتو نه وي22 نومبر, 2005 | خبرونه ملگري ملتونه : له افغان کډوالو سره مرسته کوو08 سپتمبر, 2005 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
