 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
د افغانستان شمال کې لا هم شخصي زندانونه شته | |||||||||||||||||||||||||||||||||||||||||||||||||||||||||||||||||||||||||||||||
د افغانستان د بشري حقونو خپلواک کمسيسون وايي له څه پرمختگ سره سره لا هم د افغانستان په شمال کې شخصي زندانونه شته . د افغانستان د بشري حقونو د خپلواک کميسيون وياند احمد نادر نادري له بي بي سي سره په يوه مرکه کې وويل لا هم په ځينو شمالي ولايتونو کې د دۀ په وينا زورواکي له ولس نه باج اخلي . ښاغلي نادري وويل د شمال په ځينو ولايتونو کې د وگړو جايدانونه د زورورو په لاس کې لا هم پاتې دي . د افغانستان د بشري حقونو د کميسيون وياند دا مني چې د تير کال په پرتله اوس وضعه يو څه ښه شوې ده . دۀ د پوليسو چلند تر پخوا ښه وبالۀ او دا يې هم وويل چې د قضايي چارو مسوولين ، واليان او د ولايتونو نور چارواکي اوس د بشري حقونو د کميسيون غوښتنو ته غوږ دي . ښاغلي نادري په مزار شريف کې له حنان حبيبزي سره په مرکه کې وويل چې له ځينو ښېگړنو سره هم داسې جدي ستونزې شته چې د دوى کميسيون پرې اندېښمن دى . ښاغلي نادري زياته کړه چې په ټول افغانستان کې د تير کال په ترڅ کې له بشري حقونو څخه د شويو سرغړاويو په سلو کې ١٥ يوازې په څلورو شمالي ولايتونو کې شوې دي. دۀ وويل ځينې قومندانان شخصي زندانونه لري . ښاغلي نادري د دغو زندانونو په باب زياته کړه چې دوى ته لږ تر لږه د دوو شخصي زندانونو رپورټ ورکړل شوى خو دوى پرې نوره څيړنه کوي . ښاغلى نادري د بلخ ولايت په مرکز کې د خپل کميسيون پر هغو هڅو غږيدۀ چې په تيرو څلورو کلونو کې يې په افغانستان کې د بشري حقونو د خوندي کولو لپاره کړي دي . د افغانستان د بشري حقونو د کميسيون په وينا تير کال په دغه هيواد کې ٤٠ شخصي زندانونه د ولسمشر حامد کرزي په مرسته تړل شوي دي . | ورسره تړلي نور خبرونه  کابل د بشري حقونو ٧٥ کالىزه لمانځي10 دسمبر, 2005 | خبرونه د بشري حقونو ټولنه : د افغانستان په پټ زندان کې ځورنې شوي19 دسمبر, 2005 | خبرونه د بشري حقونو په سرغړاوي تورن افغانان په قيد محکوم شول15 اکتوبر, 2005 | خبرونه د بشر دحقوقودڅار ډله: دوستم بايدحکومتي دنده ونه لري03 مارچ, 2005 | خبرونه بشري حقونو د مجرمينو محاکمه وغوښته29 جنوري, 2005 | خبرونه له باگرامه ٤٧ زندانيان خوشي شول15 دسمبر, 2005 | خبرونه د بنديانو د چلن په تړاوو نوى قانون تصويب شو14 جون, 2005 | خبرونه ٨٦ افغان بنديان خوشى شول01 مۍ, 2005 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
