بالیووډ کې سرطان
د عکس سرچینه، Instagram/BBC
تېره اونۍ د سپټمبر پر ۲۹ د بالیووډ هنرمن رشي کپور یوه ټوېټ کې ولیکل چې د یو څه وخت لپاره رخصت اخلي او امریکا ته د درملنې لپاره ځي.
هغه دا هم زیاته کړه، چې دا کومه د اندېښنې خبره نه ده او په دې تړاو اټکلونه مه کوئ.
"د خپلو مینوالو په دوعاوو سره به ژر را ستون شم".
هغه خو وویل، چې له ځان خبرې مه کوئ، خو ځینې عادتونه کله پرېښودل کېږي.
هند او پاکستان کې رسنیو د هغه د ناروغۍ په هکله ډېرې خبرې او اټکلونه وکړل.
ورور مې هم نه پوهېږي
د عکس سرچینه، Hindustan Times
تر دې چې ورور یې رندیر کپور په ښکاره وویل، چې رشي کپور کېنسر یا سرطان نه لري او دا ټولې ګنګوسې دي.
"لا یې هم ازموینې کېږي، تراوسه هغه خپله نه پوهېږي چې څه ناروغي لري، نو دغسې حالت کې خلک څنګه اوازې ګډوي".
ښايي د داسې ګنګوسو خپرولو یوه وجه دا هم وي چې د بالیووډ لږ تر لږه دوه ستوري په سرطان اخته دي.
هنرمنه سونالي بیندري
د عکس سرچینه، The India Today Group
تېره جولای سونالي بیندري یوه انسټاګرام پوسټ کې وویل، چې سرطان لري:
"دا مرض په داسې وخت کې دی چې هیله مې یې نه وه، نو ژوند ستونزمنېږي".
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ Instagram پای
هغي ولیکل چې د دې ناروغۍ تصور یي هم نه درلود:
"ما کله هم په دې هکله سوچ نه و کړی، یو درد و، څه ازموینې مې وکړې او دا ناروغي مې شته".
له دې وروسته سونالي بیندري د خپل دې سفر څو انځورونه انستاګرام او ټوېټر کې پرلیکه کړل.
هنرمن عرفان خان
د عکس سرچینه، John Parra
عرفان خان مارچ کې یوه ټوېټ سره دا خبره وکړه چې درنه ناروغي لري.
"ما کله هم دا فکر نه کاوه چې د ناویاتو کیسو موندلو په هڅه کې د داسې ناروغۍ ښکار شم چې ډېر کم خلک یې لري".
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
له دې پیغام سره یې له خلکو دا هم غوښتي و چې بې ځایه اټکلونه ونه کړي.
