تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
شین الماس په ۶،۷ میلیون ډالرو وپلورل شو
یو بې ساری شین الماس چې ۳۰۰ کاله د اروپا په شاهي کورنیو کې و په جنیوا کې په بولۍ کې په ۶،۷ میلیون ډالره پلورل شوی.
دغه الماس (فارنیس بلو) نومېږي او الیزیبیت فارنیس ته چې د اسپانیې له پنځم فلپ سره په ۱۷۱۵ کال د واده پر مهال ډالی شوی و.
دا د اسپانیې، فرانسې، ایټالیا او اتریش په شاهي کورنیو کې لاس په لاس له نسلونو راهیسې انتقالېدو.
دغه ۶،۱ قراط الماس د هند له ګولکونډه سیمې څخه ترلاسه شوی و.
دا د بولۍ په مشهوره سوتبي کمپنۍ کې د څلورو دقیقو په موده کې وپلورل شو.
دغه کمپني وایي دوی ګومان کاوه الماس به په ۳،۵ میلیون ډالره وپلورل شي، او ګومان یې نه کاوه په کابو دوه برابره جګه بیه به وپلورل شي.
د نوي پېرونکي نوم نه دی څرګند شوی.
