سري دېوي د "تصادفي ډوبېدو"له امله مړه شوې
د عکس سرچینه، Reuters
د دوبۍ د فورینزیک څېړنو رپوټ ښيي چې د هند د سینما د وتلې ستورې سري دېوي د مرګ لامل په اوبو کې تصادفي ډوبېدل دي. پر شنبه خپرو شویو رپوټونو کې ویل شوي ول چې د "د زړه حملې" له کبله مړه شوې.
سري دېوي ۵۵ کلنه وه او د یوه واده په مراسمو کې د ګډون لپاره له خپل مېړه بوني کپور او خپلې لور خوشي سره دوبۍ ته تللې وه.
د ګلف خبري اژانس وايي، د فورېنزیک څېړنو رپوټ د دوبۍ د پولیسو له خوا د سري دېوي کورنۍ او د هند کونسلګرۍ ته ورکړل شوی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
ورځپاڼه لیکي له دې سره به د سري دېوي د جسد په لېږد کې هم ځنډ راشي. ټاکل شوې وه چې نن هند ته ولېږدوله شي.
د دوبۍ د پولیسو په رپوټ کې د سري دېوي د مرګ لامل او نور مشخصات لیکل شوي.
د مړینې د لاملونو د موندلو وروستی رپوټ لا نه دی بشپړ شوی، چې په هغه کې به د نورو پوښتنو تر څنګ مخکیني "د زړه حملې" رپوټ او اوسنۍ موندنې ترمنځ تړاو ته هم ځواب وموندل شي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
سري دېوي په ۱۹۶۳کال د اګسټ په ۱۳مه د هند په تامل ناډو سیمه کې زېږېدلې وه او په ۱۹۷۸ کال کې فلمي نړۍ ته ورغله.
نوموړې کابو ۵ لسیزې د هند سینما کې مخکښ رول ولوباوه. ټولټال یې په ۳۰۰ فلمونو کې کار کړی چې وروستی فلم (مام) یې د هغې تر مړینې مخکې بازار ته راووت.
