کولي او انوشکا نریندرا مودي د واده مراسمو ته بللی
د عکس سرچینه، @PMOIndia
د هند لومړي وزیر نریندر مودي د دغه هېواد د سینما له وتلې څېرې انوشکا شرما او د هندوستان د کرېکټ له لوبډلمشر ویرات کولي سره ولیدل.
مودي په دې کتنه کې دغې نوې واده شوې جوړې ته د د دوی د واده مبارکي وویله او د دوی ته یې د خوشحاله ژوند هیلې څرګندې کړې.
ویل شوي چې ویرات او انوشکا د پنجشنبې په ورځ (ډسمبر ۲۱مه) د هند په تاج ماڼۍ د خپلو خپلوانو لپاره ځانکړي مراسم جوړوي، چې دوی د هند لومړی وزیر نریندر مودي ته هم د په دغو مراسمو کې د ګډون بلنه ورکړې ده.
په دې لیدنه کې د ویرات کولي ورور وکس هم ګډون درلود.
د هند لومړي وزیر نریندر مودي له هغه وروسته د دغې جوړې واده ستایلی چې په هند کې د دوی پر واده د ملت پالنې بحث روان دی او خلک د دوی واده د ملتپالنې او هېوادپالنې خلاف بولي؛ ځکه دوی د هېواد دننه واده ونه کړ او د واده کولو لپاره ایټالیا ته تللي وو.
د راپورونو له مخې، د روان ډسمبر په ۲۶ به هم انوشکا او ویرات د هند په ممبۍي ښار کې د خپل واده په نورو مراسمو کې ګډون وکړي.
له دغو جشنونو وروسته به انوشکا ویرات بېرته خپل هنري او سپورتي ژوند ته ستانه شي. کولي به د راتلونکې جنوري په پنځمه له سوېلي افریقا سره د سیالیو په موخه له خپلې لوبډلې سره یوځای شي او انوشکا به د همدې میاشتې په لومړۍ اونۍ کې ممبۍ کې د شاه رخ خان سره د نوي فلم مهال وېش پیلوي.
د هند لومړي وزیر نرېندر مودي پر خپل ټویټر لیکلي، د هندوستان کرېکټ له لوبډلمشر ویرات کولي او د هغه له مېرمنې انوشکا سره پخپل دفتر کې کتلي او دوی ته یې د واده مبارکي ویلې ده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
