د ښځو فوټبال نړیوال جام کې لومړنۍ حجاب لرونکې لوبغاړې څوک ده؟
د عکس سرچینه، Social Media
د مراکش فوټبال لوبډلې دفاع کوونکې نهیله بنزینه د ښځو فوټبال نړیوال جام کې لومړنۍ حجاب لرونکې لوبغاړې ده.
د اسټرالیا او نیوزیلنډ په کوربتوب مراکش له جرمني سره لوبه کې مخامخ شوی و.
۲۵ کلنه بنزینه د شاهي وسله وال ځواک فوټبال د یوې مسلکي لوبغاړې په توګه هم لوبېدلې او د مراکش د ښځو لوبډلې لومړنۍ لوبه کې ښه ځلېدلې ده.
بنزینه له ۲۰۱۸ کال راهیسې د مراکش د ښځو لوبډلې هغه لومړنۍ لوبغاړې ده چې تر ۱۰ ډېرو سیالیو کې یې ګډون کړی. هغې مخکې د مراکش لوبډله کې د ۱۷ او ۲۰ کلنو لوبډلو کې هم لوبې کړې دي.
نوموړې په ۲۰۲۱ کال د افریقا د ښځو لوبډله کې هم لوبېدلې ده او د شمالي افریقا د ټولنې لوبډله کې لوبېدلې او د ښځو په شاهي پوځي لوبډله کې یې دریم ځای خپل کړی دی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
په ۲۰۱۲ کال، فیفا د اسیا د فوټبال اتحاد ته په ازمېښتي لوبو کې – چې دوه کاله موده یې وه، په نړیوالو سیالیو کې د ښځینه لوبغاړو د پړوني پر سرولو اجازه ورکړه.
په ۲۰۱۴ کې، فیفا د پړوني پر سرولو بندیز لیرې کړ. دوه کاله وروسته، تر ۱۷ کلونو د ټیټ عمره ښځو نړیوال جام په لومړي ځل اردن کې جوړ شو، چې مسلمانو لوبغاړو پکې حجاب درلود.
مراکش به د راتلونکې یکشنبې په ورځ (جولای ۳۰مه) له جنوبي کوریا سره مخامخېږي او د اګسټ پر دریمه به د کولمبیا پر ضد په وروستۍ سیالۍ کې ولوبېږي.
