لمند د افغانستان تر ټولو نارامه ولايت دى چې جنگ جگړې پکې ورځنۍ خبرې دي

ناټو په يوې لنډې خبرپاڼه کې يوازې دومره ويلي چې سرتېرى يې په سويل کې نن له هغو ټپونو مړ شو چې تېره ورځ ورته رسېدلي و.

په کوپنهاگن کې د دفاع وزارت بيا منلې ده چې دغه سرتېرى د ډنمارک و چې تېره ورځ په هلمند کې ټپي شوى و، او نن يې ساه ورکړه.

ډنمارکي پوځ ويلي چې سرتېري ته يې هغه مهال مرگ ژوبله ور واوښتله چې د گرشک ولسوالۍ په شمالي سيمو کې يې گاډى پر يوۀ بم وخوت او بيا ورپسې د هاوانونو بريد وشو.

ناټو ته له وروستۍ مرگ ژوبلې سره په افغانستان کې سږ کال د وژل شويو بهرنيو سرتېرو شمېره ١٩٣ ته ورسېده، چې تر تېر بشپړ کال دوه زياته ده.

هلمند د افغانستان تر ټولو نارامه ولايت دى چې جنگ جگړې پکې ورځنۍ خبرې دي او يو له هغو سيمو ده چې پکې بهرنيو ځواکونو ته د سر پراخ زيان اوښتى دى.