له وروستۍ پېښې سره په روان زېږديز کال کې په افغانستان کې د وژل شويو نړيوالو سرتېرو شمېره نژدې تر ١٧٠ پورې رسېږي.

د ناټو ځواکونو يوه خبرپاڼه وايي سرتېرو يې د افغانستان په سويل کې گزمه کوله چې مرگ ژوبله ور واوښته.

په خبرپاڼه کې د وژل شويو سرتېرو هويت نه دى په ډاگه شوى او نه يې د پېښې ځانگړې سيمه ښوول ښوول شوې ده.

خو د برتانيې د دفاع وزارت ويلي چې د دوى دوه سرتېري د هلمند په گرمسېر ولسوالۍ کې په داسې مهال کې وژل شوي او څو نور ژوبل شوي چې د طالبانو په ضد يې يه پلان شويو عملياتو بوخت ول.

له وروستۍ پېښې سره په روان زېږديز کال کې په افغانستان کې د وژل شويو نړيوالو سرتېرو شمېره نژدې تر ١٧٠ پورې رسېږي.

ډېرى دغه سرتېري په سويل کې وژل شوي، چې د هېواد تر ټولو نارام ولايتونه هلته پراتۀ دي.
د جمعې په ورځ هم ناټو د خپلو دوو سرتېرو د وژل کېدو او څو نورو د ټپي کېدو خبر ورکړ.
بهرني ځواکونه د افغانستان په سويل کې په زياتېدونکي توگه له طالبانو سره په نښتو کې کيوزي او هغوى ته مرگ ژوبله اوس نژدې ورځنۍ خبرې دي.

په وروستيو مياشتو کې پر نړيوالو ځواکونو د وسله والو طالبانو بريدونه زيات شوي دي.