په روان ميلادي کال کې تر ١٦٠ زيات بهرني سرتېري وژل شوي دي

د ناټو ځواکونو يوه خبرپاڼه وايي سرتېرو يې د افغانستان په سويل کې گزمه کوله چې مرگ ژوبله ور واوښته.

په خبرپاڼه کې د وژل شويو سرتېرو هويت نه دى په ډاگه شوى او نه يې د پېښې ځانگړې سيمه ښوول ښوول شوې ده.

له وروستۍ پېښې سره په روان زېږديز کال کې په افغانستان کې د وژل شويو نړيوالو سرتېرو شمېره تر ١٦٠ اوړي.

ډېرى دغه سرتېري په سويل کې وژل شوي، چې د هېواد تر ټولو نارام ولايتونه هلته پراتۀ دي.

په سويل کې ډېرى مېشت سرتېري د برتانيا، کاناډا او هالنډ دي. له طالبانو سره د دوى نښتې ورځنۍ خبرې دي.

په وروستيو مياشتو کې پر نړيوالو ځواکونو د وسله والو طالبانو بريدونه زيات شوي دي.