ناجيه نجات

دا خپرونه ددې ځاى پر کېکاږلو سره اوريدلى شئ

نادر خفه و، نبيلې يې دخپګان علت وپوښت، نادر وويل چې، له څه مودې راهيسې مې ورور له هېواده دباندې اوسی.

ډېره موده کېږې چې، ليک مې ورلېږلی دی، خو تر اوسه يې ځواب نه دی معلوم شوی . په دې وخت کې لالو ماما راځي او تر روغبړوروسته مېلمانه ماڼۍ ته دننه بيايي.

لالوماما د نادر دخپګان علت پوښتي. نبيله د هغه د ورور کيسه ورته کوي او وايي چې، کاشکي يې د انټرنيټ له لارې ورور ته ليک وراستولی وای.

نادر د انټرنيټ دنوم په اورېدو حيرانيږي او دواړه له لالوماما څخه غواړي چې، په دې باب يوه درڅه ورته راخلاصه کړي.

شفيقه په کورکې په کمپيوټرکار کوي. په دې وخت کې د هغې د اکا زوی شېرشاه ددوی کره راځي او له شفيقې پوښتي چې، په څه شي بوخته ده؟

انټرنيټ څه گټه لري؟  انټرنيټ د کتابتون په شان يوه دستګاه ده چې، خلکو معلومات پکې ثبت کړی اوموږکولای شو چې، رنګارنګ کتابونه، سندرې، فلمونه، خبرونه، او داسې نور معلومات ترلاسه کړو. شفيقه

شفيقه په خندا وايي چې، دوستانو مې ليکونه رالېږلي وو، هغه مې لوستل.

شېرشاه په حيرانۍ پوښتي چې، کومه دي زه خو دلته ليکونه نه وينم.

شفيقه په خندا د انټرنټ پاڼه ورښيي او ورته وايي چې، ددوستانو برېښناليکونه مې لوستل چې د انټرنيټ له لارې يې رالېږلي وو.

شفيقه وايي چې، برېښناليک د انګليسي ژبې د ( Electronic Mail ) له کلمې څخه اخيستل شوی دی.

په انټرنيټ کې عکسونه، غږونه او نور معلومات په يوه شېبه کې لېږل کېږي.

دغه معلومات د انټرنيټ ديوې ځانګړې شبکې له لارې چې، دسټلايټ (سپوږمکۍ) سره تړل شوې ده، لېږل کيږي.

خو دغه معلومات هغه مهال يو سړی بل چاته لېږلای شي چې د انټرنيټ په پاڼه کې دهغه پته ورمعلومه وي.

	په انټرنيټ کې عکسونه، غږونه او نور معلومات په يوه شېبه کې لېږل کېږي.

د انټرنيټ شبکه دانټرنيټ له لارې وصل کيږي چې، ددې کار لپاره لومړی د کمپيوټر زده کړي ته اړتيا ده.

بل داچې پر برېښناليک سربېره په انټرنټ کې خورا ډېر معلومات شته چې، هرڅوک يې ترلاسه کولای شي.

انټرنيټ د کتابتون په شان يوه دستګاه ده چې، خلکو معلومات پکې ثبت کړی اوموږکولای شو چې، دغه معلومات ترلاسه کړو.

د بېلګې په ډول رنګارنګ کتابونه، سندرې، فلمونه، خبرونه، عکسونه او داسې نور معلومات ترلاسه کولای شو.

نادر وايي چې، تر دې وروسته زه هم د انټرنيټ له لارې خپلو انډيوالانو ته برېښناليکونه لېږم.

نبيله ورته وايي چې، ته بايد د دې کار لپاره لومړی کمپيوټر زده کړې.

	کورنۍ دنده په خپل وخت سرته نه رسول ستونزې پېښوي.

نادر افسوس کوي چې، زه خو د ښوونځي دکورني کار له لاسه دکمپوټر زده کړي ته نه يم وزګار، نبيله وايي چې، دا نو هسې يوه پلمه ده، کورنی کار خو دومره ستونزه نه ده.

ددوی بحث دوام مومي، په دې وخت کې نبيله له لالوماما څخه غواړي چې، په دې باب يوه دريڅه ورته راخلاصه کړي.

لالويې هم خبره مني او په دې اړه يوه دريڅه ورته راخلاصوي .

منير ادريس ته وايي چې، راځه لوبو ته ولاړشو، ادريس وايي چې، زه د مکتب کورنی کار کوم، لوبوته نه يم وزګار.

منير په هغه ملنډي وهي او وايي چې ځه بابا ولاکه پروفيسر شې، هغه د مکتب درس دي بس دی، راځه چې خپلې لوبې وکړو.

خوکورنی کار هم ډېرضروري دی او ډېرې ګټې لري. سړی په امتحانونو کې ډېرې نومرې اخلي. منير

سړی په امتحانونو کې ډېرې نومرې اخلي.

په دې وخت کې سمير راځي او په موضوع خبرېږي.

سميروايي چې، زه هم خپل کورنی کار پرخپل وخت سرته رسوم .

د همدې کورني کار له برکته مې درس ښه په ذهن کې کېني، املا مې ښه شوې او په هره ازموينه کې لوړې نومرې اخلم.

دکورني کار بله ګټه دا ده چې، سړی له مطالعې سره عادت کېږي.

لالوماما له مېلمنو سره خدای پاماني کوي اوخپرونه پای ته رسيږي.