بهارت صابر

کله چې دماڼۍ دهليزونو ته دننه کيږي، دهليزونه په رنګارنګ څراغونو ښکلي کړاى شوي وي. فهيمه په خندا او ملنډو لالو ماماته وايي:

چې رازق غواړي په دې کم عمر کې ديوې ماڼۍ او زرو دريڅو په هکله کيسه وليکي.

لالوماما د فهيمې خبرې ردوي او دځينو تنکيو ځوانانو د استعداد ستاينه کوي او وايي چې هغه يوه داسې نجلۍ پيژني چې (13) کلنه ده اوډيرې ښې کيسې ليکي.

په ملي ټلويزيون کې د ماشومانو دخپرونې جوړونکې او ويانده يم او خپلې ځينې کيسې د تلويزيون له لارې هم لولم. طوبا

لالوماما د دي نجلۍ نوم طوبا بولي او وايي، سره له دې چې عمر يې کم دۍ، خو بيا هم د کيسو له ليکنو سره ډيره مينه لري او په دې لاره کې يې ښه وده کړيده.

فهيمې او رازق ته د طوبا د کيسه ليکنې په هکله تلوسه پيدا کيږي او له لالوماما څخه غواړي چې په دې هکله يوه دريڅه ورته پرانيزي.

په دريڅه کې د ماڼۍ خبريال له طوبا رحمن څخه غواړي چې د خپلې ليکوالۍ په هکله يو څه ووايي. طوبا رحمن وايي (هغه شپږ کلنه وه، چې په ليکوالۍ يې لاس پورې کړى دى.)

طوبا رحمن زياتوي: ((ماخپله لومړنۍ کيسه د ګل او بورا تر نامه لاندې په شپږ کلنۍ کې وليکله، چې املايي او انشايي تيروتنې پکې زياتې وې.

ما دا کيسه د دې له پاره وليکله، چې ماشومان دې ته وهڅوم تر څو ګلان ونه شکوي.

زه هميشه د ماشومانو له پاره کيسې ليکم او هغه بيا خپلوخورلڼو ته ورکوم چې ويې لولي او نورو ته يې ووايي.))

طوبا رحمن د خبريال د يوې بلې پوښتنې په ځواب کې وايي:

	طوبا سره لدې چې کيسې ليکي، په ټلويزيون کې ويانده ده او له مطالعې سره هم ډيره مينه لري

تراوسه پورې يې (500) کيسې ليکلي خو د چاپ کولو امکانات يې نه لري، نوځکه يې خپلو دوستانو ته دلوستلو له پاره ورکوي.

طوبا رحمن زياتوي، چې هغه په ملي ټلويزيون کې د ماشومانو دخپرونې جوړونکې او ويانده ده، چې خپلې ځينې کيسې د تلويزيون له لارې هم لولي.

هغه وايي، چې زياته مطالعه د هغې د بري لامل ګرځيدلى دى. نوموړې د بي بي سي راډيو د ماشومانو خپرونې اوري او د همدې پروګرامونو اوريدل، دکيسه ليکنې په کارکې ډيره مرسته ورسره کړې ده.

د طوبا رحمن د خبرو په پاى ته رسيدو سره دريڅه هم تړل کيږي. لالوماما تنکي ځوانان خدای پاماني کوي.