ژوند اوزده کړې له لړۍ څخه
|  |
لۀ کله نه چې د نړۍ هېوادونه د پرمختګ پۀ فکرکې شوي، نو ددې موخې د لاسته راوړلو لپاره هر هېواد هڅه کوي، چې د نړۍ د نورو هېوادونو سره ښې اړيکې ولري. نو پۀ همدغه وجه هېوادونه پۀ خپلوکې د يو، بل ډيپلوماتان مني، خو څۀ فکر کوئ، چې ډيپلومات چاته ويل کيږي؟ حکمت الله يې پۀ اړه وويل: "ډيپلوماتان د يوۀ هېواد استا زو ته ويل کېږي، چې په بل هېواد کې د خپل هېواد استازيتوب کوي، لکه: سفيران او داسې نور خلک". ګل رحمن وويل: "که د انجلۍکور ته د مرکې لېږلو ته وګورو نودا پخپله د ډيپلومات يوه بېلګه ده، چې د دوه کورنيو ته ترمنځ اړيکه ټينګوي. ډيپلوماتان هم د دوه هېوادونو ترمنځ د اړيکو د ښۀ کېدو او پرمختګ لپاره کار کوي او ډيپلوماتان پۀ بهرنيو هېوادونو کې خپله دنده پرمخ بيايي". د علومو اکاډمۍ دخپرونو رئيس سرمحقق سيد امين مجاهد وويل: "ديپلوماتان د خپل هېواد سياسي استازي دي پۀ بل هيواد کې. ټول هغه کسان چې دخپل هېواد د بهرني سياست پۀ برخه کې کارکوي ډيپلومات بلل کېږي، ډيپلوماتان د يوۀ هېواد د باندنيو چارو وزارت پۀ وړانديز او د ولسمشر پۀ منظورۍ پر دندو ګمارل کېږي. | ډيپلوماټان او اړيکې   ډيپلوماټان کولای شي د هېوادونو د اړيکو د ښۀ کېدو لپاره کار وکړي.  |
ډيپلوماتان دنده لري، چې د خپل هېواد او هغه هېواد، چې دی پۀ کې دنده لري د سياسي اړيکو پۀ ښه کېدو کې کار کوي کيدای شي دا اړيکې دسوداګرۍ، اقتصاد او ياهم نورو برخو کې وي. په کوربه هېواد کې د کار د زمينې برابرول، د هغوی امنيت ساتل او ورسره د سياسي کسانو پۀ څېر سلوک کول د ډيپلوماتانو حقونه دي." هرهېواد چې غواړي لۀ نورو هېوادونوسره اړيکې پياوړې کړي نو هڅه کوي، چې هلته ډيپلوماتان ولري، ځکه چې ډيپلوماټان کولای شي د هېوادونو د اړيکو د ښۀ کېدو لپاره کاروکړي. | 
د آبادۍ غږ : د پوليسو ګزمه 