په نړۍ کې داسې ډېر ځايونه شته، چې هلته سيلانيان ورځي،ځينې وختونه دا سيمې د دومره داهميت وړ وګرځي، چې ملي پارکونه ونومول شي . خوملي پارک څه ته وايي؟ سيدالرحمن، چې د امير بند ليدو ته راغلی و پۀ اړه يې داسې وويل: " ملي پارک هغې سيمې ته وايي، چې د ښکلا او طبيعت له مخې ساری ونۀ لري او يا داسې حيوانات او بوټي هلته وي، چې ډېر لږ پيدا کېږي " خو کومه سيمه ملي پارک نومول کېدای شي؟ د چاپېريال ساتنې د ملي ادارې چارواکي سيد سليمان سالاري يې پۀ اړه وويل: " هغه سيمې چې دطبعی ښکلا، مارغانو، ژويواو بوټو لۀ اړخه ساری ونۀ لري اودولتونه يې د ساتنې لپاره قانون ولري، ملي پارک نومول کيدای شي". کومه سيمه چې ملي پارک ونومول شي نړيوال شهرت او ارزښت پيدا کوي، ساتنه يې کېږي اوچې ښکلې وساتل شي نو د سيلانيانو د پام وړهم ګرځي.  | | | ټاکل شوې، امير بندته چې يو طبيعی بند دی د افغان دولت له لوری د ملي پارک نوم ورکړل شي. |
ټاکل شوې امير بندته چې يو طبيعي بند دی افغان دولت د ملي پارک نوم ورکړي، خود چاپيريال ساتنې ملي اداره وايي، چې ځينې شرايط ايښوول شويدي. سيد سليمان سالاري دشرايطوپه اړه وويل:"د سيمې خلکو او هغو کسانو نه، چې د نوموړي بند ليدو ته ورځي غوښتل شوي چې د بند ساتنه وکړي. نوموړي زياته کړه چې خلک بايدښکار ونه کړي، اوبه يې ناولې نه کړي او يا بل داسې کوم عمل ونۀ کړي، چې لۀ امله يې بند ته زيان ورسېږي. | 
له دې ځايه واورئ!
د آبادۍ غږ : د پوليسو ګزمه 