په نري رنځ اخته يوه پنځه دېرش کلنه مېرمنه وايي: زه لومړی ډېره ټوخېدم او له ټوخي سره مې وينه او بلغم هم راتلل، له دې ځايه واورئ! ورځ په ورځ به کمزورې کېدم، ډاکټر ته ولاړم تر معاينې وروسته معلومه شوه چې د نري رنځ ناروغي لرم. د نري رنځ د درملنې دوره د ناروغۍ په شدت پورې اړه لري خو په منځنۍ کچه له اتو مياشتو تر يوه کال پورې درملنې ته اړتيا لري. جميله وايي: ”دا يوه ساري ناروغي ده ځکه مې نوخپله کوټه، لوښي او هرڅه بېل کړي، اوس مې د ناروغۍ شپږمه مياشت ده، تل مې درمل د ډاکټر په مشوره خورمه. تل هڅه کومه چې قوي خواړه وخورمه. همداراز لکه څنګه چې ډاکټر راته ويلي، د ټوخي، پرنجي او خبرو کولو پر مهال مې خوله پټه نيسم يا ماسک. د لمر وړانګې د څلورو دقيقو په ترڅ کې د نري رنځ مکروب له منځه وړي خو په دوړوکې تر دوو اوونيو پورې په نمجنوځايونوکې له يوې تر شپږ مياشتو پورې ژوندی پاتې کېږي.د کابل د نري رنځ روغتون ډاکټر لطف الله منظور وايي:  |   د نري رنځ درملنه د ناروغۍ د مخنيوي يوه ښه لار ده.  |
”که په نري رنځ اخته ناروغان د ډاکټر له مشورې سره سم تداوي نه شي نو په وجود کې يې دنري رنځ مکروب غښتلی کېږي او د وجود نور غړي هم په دې ناروغۍ اخته کېږي. د نري رنځ درملنه د ناروغۍ د مخنيوي يوه ښه لار ده او دا ډول ناروغانو سره د نږدې والي په صورت کې بايد دواړه پزه او خوله په ټوکر يا ماسک تړل شوې وي. ناروغان بايد ماشومان ښکل نه کړي او له هغوی دې ليري وساتل شي. د ناروغ د خولې بلغم دي وسوځول شي چې د ناروغۍ د سرايت مخه ونيول شي. | 
د آبادۍ غږ : د پوليسو ګزمه 