 | | | د امېدوارۍ پر مهال د مويندو استراحت نه کول او دروند کار بې وخته لنګون لامل کيږی. |
اميدواري او زېږون د مور او ماشوم لپاره دوه ډېر مهم پړاوونه دي. په دې پړاوونو کې د اميدوارۍ پر مهال د مور روغتيا او سلامتيا ته پام نه کول، وروسته ډېرې ستونزې زېږوي. له دغو ستونزو څخه يوه هم له وخت څخه مخکې يا د خلکو په وينا بې وعدې زېږون دی، خو تاسو څه فکر کوئ چې ولي ځينې وخت ماشوم له خپل وخت څخه مخکې نړۍ ته راځي؟ د ميدان وردګو ولايت يوه مېرمنه وايې: ”ماته ډاکټر د امېدوارۍ پر مهال د استراحت ويلي وه خو ما داسي و نه کړه، ماشوم مې مخکې له وخته پيدا او وروسته مړ شو“. يوه بله مېرمن ګلالۍ وايي: ”ماد اوبو درنې بوشکې پورته کولې، ماشوم مې بې وخته پيدا شو“. د کابل ولايت د رابعه بلخي روغتون د ښځينه ناروغيو او لنګون د برخې ډاکټره روزا تقدير وايې: د اميدوارۍ پر مهال ډاکټر ته د ميندو نه ورتګ، د درنو کارونو کول، د وجود د مقاومت ټيټ والی، د مور ځينې ناروغۍ او داسې نور شيان د بې وخته ولادتونو لامل ګرځي“. مېندي د امېدوارۍ پر مهال استراحت ته ضرورت لري خو په عادي حالت کې کار کولای شي بايد يوڅه احتياط وکړي. | | | د امېدوارۍ پر مهال ميندې بايد په کار کې د احتياط سره ښه خواړه وخوري. |
د پکتيا ولايت يوه مېرمنه سليمانزۍ وايې: ”زه يوولس ماشومان لرم خو يو يې هم بې وخته نه دی پيداشوی، ځکه چې زه د امېدوارۍ پر مهال درانه کارونه نه کوم او بل ګټور خواړه خورم“. د ډاکټرانو په وينا د کور خوشاله او آرامه فضا هم د امېدوارو مېرمنو له اړتياووڅخه شمېرل ډاکټره روزا د بې وخته زېږون د مخنيوي په باب وايې: ”بايد مېندي له رواني اړخه هم آرامې وي او نجوني دي په کم عمر کې نه واده کېږي. | 
له دې ځايه واورئ!
د آبادۍ غږ : د پوليسو ګزمه 