Omicron : ओमिक्रॉनचा यूकेत पहिला बळी

कोरोनाच्या नव्या ओमिक्रॉन व्हेरिएंटची लागण झालेल्या एका रुग्णाचा युकेमध्ये मृत्यू झाल्याची माहिती पंतप्रधान बोरिस जॉन्सन यांनी दिली आहे.

कोरोनाच्या या प्रकारच्या विषाणूमुळंही रुग्णालयात दाखल होण्याची गरज पडत आहे. त्यामुळं लोकांनी लशीचा बूस्टर डोस घ्यावा, असं आवाहन जॉन्सन यांनी केलं आहे.

बोरीस जॉन्सन यांनी एका लसीकरण केंद्राला भेट दिली. यावेळी त्यांनी ओमिक्रॉन हा सौम्य व्हेरिएंट आहे, असा विचार लोकांनी करू नये असं म्हटलं आहे.

पंतप्रधान जॉन्सन यांनी रविवारी एक नवं ध्येय ठरवलं असून इंग्लंडमधील सर्व प्रौढांना या महिन्याच्या अखेरीपर्यंत ते बूस्टर डोस उपलब्ध करून देणार आहेत.

"ओमिक्रॉनमुळंही रुग्णालयात दाखल व्हावं लागत आहे आणि दुःखाची बाब म्हणजे यामुळं एका रुग्णाचा मृत्यू झाल्याचं स्पष्ट झालं आहे," असं जॉन्सन यांनी पेडिंग्टन येथील भेटीदरम्यान म्हटलं.

"त्यामुळं हा कोरोनाचा सौम्य प्रकार आहे अशी कल्पना आपण बाजूला ठेवायला हवी आणि लोकसंख्येमध्ये याच्या संसर्गाचा वेग किती असू शकतो याचा अंदाज घ्यायला हवा," असंही ते म्हणाले.

इंग्लंडमध्ये ओमिक्रॉनची लागण असलेले 10 रुग्ण रुग्णालयात दाखल असल्याचं आरोग्य सचिव साजीद जावीद यांनी सोमवारी सांगितलं.

हे वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)