क्रिकेट: 'माऊंटन मॅन' रहकीम कॉर्नवाल टीम इंडियाला भारी पडणार का?

फोटो स्रोत, Getty Images
साडेसहा फूट उंची आणि वजन 140-वेटलिफ्टिंग किंवा कुस्तीपटूचं वर्णन वाटलं ना! पण हा तपशील आहे वेस्ट इंडिजचा 26वर्षीय क्रिकेटपटू रहकीम कॉर्नवालचा. त्याला 'माऊंटन मॅन' असंही म्हटलं जातं. वेस्ट इंडिजने भारताविरुध्दच्या कसोटी मालिकेसाठी संघ जाहीर केला. कॉर्नवालला या संघात संधी मिळाली आहे.

फोटो स्रोत, Getty Images
अंतिम संघात स्थान मिळाल्यास कॉर्नवाल पाच दिवस फिटनेस राखू शकेल का हे पाहणं रंजक ठरेल. संधी मिळाल्यास कॉर्नवाल सर्वाधिक वजनाचा क्रिकेटपटू ठरू शकतो.

फोटो स्रोत, Getty Images
2007 वर्ल्डकप स्पर्धेत बर्म्युडाचा संघ सहभागी झाला होता. भारताच्या रॉबिन उथप्पाचा अफलातून कॅच घेणारा ड्वेन लिव्हरॉक तुम्हाला आठवतोय का? लिव्हरॉकपेक्षा कॉर्नवालचं वजन जास्त आहे. कॉर्नवाल हा कॅरेबियन बेटसमूहापैकी लीवर्ड आयलंडचा. फिरकीपटू कॉर्नवालच्या नावावर फर्स्टक्लास क्रिकेटमध्ये 55 मॅचेसमध्ये अडीचशेहून अधिक विकेट्स आहेत. प्रचंड ताकदीच्या बळावर पल्लेदार षटकार लगावण्यात कॉर्नवाल माहीर आहे.

फोटो स्रोत, Getty Images
तीन वर्षांपूर्वी भारताच्या वेस्ट इंडिज दौऱ्यात सराव सामन्यात रहकीमने दिमाखदार प्रदर्शन केलं होतं. दोन वर्षांपूर्वी कॅरेबियन प्रीमिअर लीगमध्ये कॉर्नवाल आणि कायरेन पोलार्ड यांच्यात बाचाबाची झाली होती.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)




