कुठे सैरावैरा पळणारे लोक, तर कुठे उद्ध्वस्त इमारती; इस्रायल-इराण संघर्षाची भीषणता दाखवणारे 12 फोटो

अमेरिका आणि इस्रायलच्या संयुक्त हल्ल्यात इराणचे सर्वोच्च नेते अयातुल्ला अली खामेनी मारले गेले आहेत.

अमेरिकेचे राष्ट्राध्यक्ष डोनाल्ड ट्रम्प यांनी त्यांच्या मृत्यूचा दावा केला होता. त्यानंतर इराणच्या सरकारी वाहिनीनंही याला दुजोरा दिला.

अमेरिका आणि इस्रायलनं शनिवारी (28 फेब्रुवारी) इराणच्या अनेक शहरांवर हल्ला केला. त्यानंतर रविवारी (1 मार्च) सकाळी अमेरिकेच्या राष्ट्राध्यक्षांनी 'ट्रुथ सोशल'वर खामेनी यांच्या मृत्यूचा दावा केला. या दाव्यानंतर इराणच्या सरकारी माध्यमांनीही त्यांच्या मृत्यूच्या वृत्ताला दुजोरा दिला

खामेनी हे इतिहासातील सर्वात वाईट व्यक्ती होते, असं डोनाल्ड ट्रम्प यांनी म्हटलं.

खामेनी यांच्या मृत्यूनंतर इराणमध्ये लोकांना आपला सर्वोच्च नेता गमावल्यानंतर शोक अनावर झाल्याचं पाहायला मिळालं.

इरामध्ये झालेल्या हल्ल्यांमध्ये सुमारे 200 लोक मारले गेल्याचं वृत्त आहे.

बीबीसीच्या सहयोगी सीबीएसला सुत्रांनी दिलेल्या माहितीनुसार इराणच्या 40 अधिकाऱ्यांचा मृत्यू झाला आहे.

इराणच्या शेवटच्या शाह (राजा) यांचे निर्वासित सुपुत्र रझा पहलवी यांनी इराणचे सर्वोच्च नेते अयातुल्ला अली खामेनी यांच्या मृत्यूचं स्वागत केलं.

पुढील काही फोटोंमधून जाणून घ्या इराण-इस्रायल-अमेरिकेतील संघर्षाची भीषणता आणि परिस्थिती -

(बीबीसीसाठी कलेक्टिव्ह न्यूजरूमचे प्रकाशन)