नरेंद्र मोदी म्हणतात 10 लाख नोकऱ्या देऊ, तर राहुल गांधी म्हणतात हे 'महाजुमल्या'चं सरकार

आज मंगळवार 14 जून 2020 रोजी पंतप्रधान नरेंद्र मोदी यांनी येत्या दीड वर्षांमध्ये 10 लाख नोकऱ्या देण्याची घोषणा केली आहे.

विरोधी पक्षांनी त्यांच्या या घोषणेवर प्रश्नचिन्ह निर्माण केले आहे.

राहुल गांधी यांनी ट्वीट करुन हा केवळ आभास असल्याचं म्हटलं आहे.

ते ट्वीटरवर लिहितात, "जसं आठ वर्षांपुर्वी दरवर्षी 2 कोटी नोकऱ्यांचं आमिष दाखवलं होतं आता 10 लाक नोकऱ्यांची वेळ आहे, हे सरकार जुमल्यांचं नाही तर महाजुमल्यांचं सरकार आहे. पंतप्रधान नोकऱ्या तयार करण्यात नाही तर नोकऱ्यांवर बातम्या तयार करण्यात तज्ज्ञ आहेत."

बहुजन समाज पार्टीच्या अध्यक्ष मायावती यांनी या घोषणेला निवडणुकीपुरता आभास म्हटलं आहे. ट्वीटरवर त्यांनी एससी, एसटी आणि ओबीसी प्रवर्गातील यापेक्षा कितीतरी पट पदं अनेक वर्षांपासून रिकामी आहेत. त्याबद्दल सरकार गप्प आहे. एमआयएमचे प्रमुख असादुद्दिन ओवेसी यांनीही या घोषणेवर प्रश्नचिन्ह उपस्थित करत गडबडीत घेतलेला निर्णय म्हटलं आहे.

ते म्हणतात, केंद्र सरकारकडे 55 लाख पदं रिकामी आहेत मग 10 लाख नोकऱ्यांची चर्चा का होतेय? नरेंद्र मोदी 2014मध्ये पंतप्रधान झाले तेव्हा दरवर्षी 2 कोटी नोकऱ्या देऊ म्हणाले होते. या हिशेबाने त्यांनी 8 वर्षांत 16 कोटी नोकऱ्या द्यायला हव्या होत्या, त्याचा त्यांना विसर पडलाय.

या निर्णयाचं कारण 2024 साली होणाऱ्या सार्वत्रिक निवडणुका हेच कारण आहे असं ओवेसी सांगतात.

तिकडे काँग्रेस प्रवक्त रणदीपसिंह सुरजेवाला यांनीही, पंतप्रधानांनी दरवर्षी दोन कोटी नोकऱ्या देण्याच्या आश्वासनाची आठवण करुन देऊ ही जुमलेबाजी केव्हापर्यंत चालेल असं विचारलं आहे.

ते ट्वीटमध्ये म्हणतात, सरकारने दरवर्षी 2 कोटी नोकऱ्या देण्याचं आश्वासन दिलं होतं, त्या हिशेबाने 16 कोटी नोकऱ्या होतात पण आता फक्त 10 लाख नोकऱ्यांबद्दल बोलत आहेत.

पंतप्रधान कार्यालयाने ट्वीट केले आहे, "पंतप्रधान नरेंद्र मोदी यांनी सर्व विभाग आणि मंत्रालयांच्या मानव संसाधनाची समीक्षा करुन येत्या 1.5 वर्षात 10 लाख लोकांची नियुक्ती करण्याचे आदेश दिले."

हे वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)