Onye bụ Simon Ekpa?

A malitere ịnụ aha Simon Ekpa n'ọnwa Julai afọ 2021 dịka otu Ipob họpụtara ya ka ọ bụrụ onyeisi mgbasaozi n'igwe mgbasaozi ha bụ 'Radio Biafra,' ka Gọọmentị Naijiria nwụchiri Nnamdi Kanu bụbu onyeisi mgbasaozi nke ụlọmgbasaozi ahụ.

Mana ka izuụka ole na ole a họpụtara ya gachara, otu Ipob chụdara ya n'ọkwa ahụ dịka ha kwuru na ọ naghị agbaso iwu mgbasaozi nke ụlọọrụ ahụ.

Mana nwamadi ahụ na-akpọ onwe ya, "nwa azụ" onye ndu Ipob bụ Nnamdi Kanu gara n'ihu were akara ya na soshal midia na-agbasa ozi banyere nnwereonwe Biafra.

O jikwa akara ya arịọ ego ọ sị na ọ bụ maka nkwado otu Eastern Security Network (ESN) nke bụ ngalaba ndịagha nke otu Ipob ma na-agbasakwa akụkọ ụgha, dịka ụfọdụ ụlọ ntaakụkọ nyochara ha si kwuo.

Onye Ohaukwu dị n'Ebonyi steeti, a mụrụ ya n'afọ 1985.

Ekpa bi mba Finland na-akpọ onwe ya Ọkaiwu nakwa onye ndọrọndọrọ ọchịchị.

O kwuru na ya gụrụ maka iwu na mahadum 'Aberystwyth University', dị na Wales, mba Briten.

Ekpa, bụ onye jirila asọmpi athletics ritere Naịjirịa ọla nchara alụọla nwaanyị ma mụokwa nwa.