Nnamdi Kanu Facebook ban: Ndị otu Ipob etiela mkpụ maka etu e si wetuo akara Facebook onye ndu ha
Ụlọọrụ Facebook ekwuola na ha weturu akara Nnamdi Kanu n'ihi na ọ dara iwu ọgbakọ otu ha, nke a kpọrọ 'community standards'.
Nke a bụ azịza ha nyere maka ajụjụ BBC Igbo jụrụ ha gbasara ihe kpatara ha ji chụọ Nnamdi Kanu ọsọ ụkwụ eru ala.
Ha kwuru na Facebook na-enye onye ọbụla ohere ikwu okwu mana ha nwekwara iwu dị icheiche na-achị ọgbakọ ahụ nke onye ọbụla kwesịrị idebe.
Cheta na Nnamdi Kanu kwuburu na onweghị ihe ga-eme ka ọ kwụsị ihe ọ na-eme ganye mgbe a kpọrọ ya n'ụlọ ikpe 'International Criminal Court' dị na 'The Hague'.
Nke a nwere ike ịrụtụ aka na o doro Nnamdi Kanu anya na ihe ọ na-ekwu ezighị ezi n'iwu.
Lee ihe anyị ga-eme iji weghachi akara Facebook Nnamdi Kanu - Paul Achalla
Paul Achalla bụ ọkaiwu na mba ofesi ma bụrụkwa onye otu Ipob ekwuola atụmatụ ha ga-agbaso iji weghachi akara Facebook onyeisi ha bụ Nnamdi Kanu.
Na mkparịtaụka ya na BBC Igbo, Achalla kọwara na o nwereike ịbụ maka otu ihe maọbụ nke ọzọ ka e ji wetuo akara facebook Nnamdi Kanu, mana Facebook kwesịrị inye ya ohere ka ọ zara ọnụ ya.
Achalla gara n'ihu kwuo na ha ga-edegara Facebook akwụkwọ mkpesa, jụọ ha ihe kpatara ha ji wetuo akara Nnamdi Kanu, ma nwekwaa olileanya na ha ga-eweghachi ya.
Facebook ewetuola akara Nnamdi Kanu
Ọnụ na-ekwuru onye ndụ Nnamdi Kanu na soshal midia bụ Carolyn Uchenna Okorafor ekwuola na eweturu akara Facebook Nnamdi Kanu bụ onyeisi ndị Indigenous People of Biafra.
O depụtara nke a n'akara twitter ya.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
O kwuru na nke a bụ ọrụ aka ndị iro chọrọ ịkwụsị ozi ha na-agbasa.
Ọzọ o kwuru bụ na Facebook ji omenaala ndị ọcha enyocha ihe ndị ha hụrụ maọbụ nụ n'elu facebook , ịma atụ iwu ndị ọcha megidere ogbugbu ọkụkọ maọbụ ogbugbu ehi mana ụmụ ihe ndị ahụ bụ ihe a na-emeri emeri na Naịjirịa maọbụ Afịrịka.
Achalla kwukwara na o nwekwara ike ịbụ onyonyo ndị na-egosi oke ogbugbu mmadụ maọbụ anụmanụ ụmụ Naịjirịa na-etinyegasi n'akara facebook kanu kpatara mmachi a.
BBC Igbo gbara mbọ ịnụta n'ọnụ ọnụ na-ekwuru ụlọọrụ Facebook mana ha azabeghị anyị.
Cheta na Facebook weturu akara Facebook Nnamdi Kanu ụnyahụ bụ ụbọchị February 3,2021 mgbe ọ na-eme live broadcast dịka kepukepu si kwu.
Gịnị ga-emezi ugbua?
Achalla kwuru na iwu kwunyere Kanu idegara Facebook akwụkwọ maka ịweghachị peeji ya. ọ bụzi Facebook ka ọ dịrị ị ma ma ha a ga-eme nke a.
N'ọnụ okwu ya, " ị ga-egbu mmadụ si ya ekpena ọnụ ya."
O mekwara ka anyị mata na o nweghị ihe gbasara nwetu Facebook Page Nnamdi Kanu na Radio Biafra makana ihe niile ha ji agbasa ozi zuru oke.
Tupu Facebook ewetuo peeji gị, lee usoro ọ ga-ewe
1.Facebook ga-amalite site na ị na-ewepụ ihe ndị atụmaatụ ha anabataghị na peeji mgbe ọ bụla itinyenyere ha. Mgbe ọbụla ha wepụrụ ya, ị ga-enweta ihe ha kpọrọ 'strikes' na bekee.
2.Ọ bụrụ na peeji gị nwetekarịa 'strikes' buru ibu, Facebook ewetuo peeji gị kpam kpam.
3.Ọ bụrụ na ihe i tinyere maọbụ ọgbakọ iso na ya esichaghị ike , Facebook nwereike ịmechinata peeji ahụ nwantiti oge , mana ọ bụrụ na ihe ahụ etinyere dị oke njọ ha ga-emechi peeji gị kpamkpam.
4.Facebook kwuru depụtara na ha anaghị agwa ndị mmadụ ugboro ole ị ga-enweta 'strikes' tupu ha ewetuo peeji gị ka ghara ji ịdọ aka na nti ha mere ihe egwu.
5.Facebook ga-agwa gị ma ha wepụcha peeji gị ma kọwara gị ihe kpatara ha ji wepụ ya
6.Akara facebook mebie iwu facebook ugboro ugboro, Facebook ga-agbachịtụ ya mana ọ bụrụ na ọ bụ peeji, ha ga-eme ka ọ ghara ịnọzị na facebook kpam kpam.
7.Facebook kwuru na ha nye ndị mmadụ ohere ka rịọ ka eweghachi peeji ha makana o nwereike ọ bụrụ na ha zọghiere ụkwụ. Mana ihe mbụ ha na-eme bụ ime ka aghara ị na-afụ peeji onye ahụ na Facebook mana ọ bụrụ na onye ahụ arịọghị, ha ewepụ peeji ya kpamkpam.
Akụkọ ka na-abịa.
Akụkọ ndị ga-amasị gị:
