Atletico ta bayar da tazarar maki bakwai a La Liga

Atletico Madrid ta bayar da tazarar maki bakwai a teburin La Liga, bayan da ta doke Valencia da ci 3-1 a karawar da suka yi ranar Lahadi.

Valencia ce ta fara cin kwallo a minti na 11 da fara tamaula ta hannun Uros Racic, yayin da Atletico ta farke ta hannun Joao Felix minti 12 tsakani.

A minti na 54 ne tsohon dan kwallon Barcelona, Luis Suarez ya ci wa Atletico na biyu kuma na 12 a bana da hakan ya say a yi kan-kan-kan da Youssef En-Nesyri shima mai kwallo 10 a raga.

Saura minti 12 a tashi daga karawar Angel Correa ya kara kwallo na uku a ragar Valencia da hakan ya bai wa Atletico nasarar cin wasa bakwai.

Luis Suarez na bude wuta a Atletico Madrid a bana

Atletico mai kwantan wasa tana da maki 47, sai Real Madrid ta biyu mai maki 40, sannan Barcelona mai 37.

Ita kuwa Valencia tana ta 14 a kasan teburi da tazarar maki biyu tsakaninta da 'yan ukun karshen teburi.