Man City 1-1 Liverpool: City tana ta 11 a teburi, Liverpool ce ta uku

Liverpool ta barar da damar hawa kan teburin Gasar Premier League, bayan da ta tashi 1-1 da Manchester City a Etihad.

Kungiyoyin sun buga karawar mako na takwas a ranar Lahadi, inda Liverpool ta fara cin kwallo ta hannun Mohamed Salah a bugun fenariti.

Liverpool ta samu bugun daga kai sai mai tsaron raga ne, bayan da mai tsaron bayan City, Kyle Walker yayiwa Sadio Mane keta a da'ira ta 18.

City ta farke kwallon da aka zura mata ta hannun Gabriel Jesus, daga nan karawar ta koma 1-1.

Haka kuma Manchester City ta samu damar hada maki uku a wasan , bayan da ta samu fenariti, sai dai kuma De Bryne ne ya buga ta kuma yi fadi ba ta shiga raga ba.

Da wannan sakamakon City tana ta 11 a kan teburi da maki 12, ita kuwa mai rike da kofin bara, Liberpool tana ta uku da maki 17.

Wasannin da kungiyoyin suka fafata a kakar da ta wuce:

Ranar Alhamis 2 ga watan Yuli 2020 Premier League

Man City 4 - 0 Liverpool

10 ga watan Nuwambar 2019 Premier League

Lahadi 4 ga watan Agustan 2019 Community Shield

A wasa 46 baya da suka kara a Premier League, City ta yi nasara a 10, Liverpool ta ci 20 da canjaras 16.

Shin ko kun san?

Manchester City ta ci wasa uku baya a Etihad a karawa da Liverpool da kwallo 11-1.

Sai dai kuma City ba ta taba doke Liverpool a gida sau hudu a jere ba tun bayan watan Maris din 1937.

Pep Guardiola ya sha kashi a hannun kocin Liverpool, Jurgen Klopp sau takwas fiye da kowanne a tarihinsa na horar da tamaula.

Liverpool na fatan buga wasa a karon farko ba tare da an zura mata kwallo ba a Etihad a fafatawa ta 11.

A tsawon wannan lokacin an zura mata kwallo 26 a kaarawa 10 baya da cin wasa daya da canjaras biyu da shan kashi bakwai.

Diogo Jota na Liverpool ya ci kwallo uku a wasan da yake shiga daga baya a Premier League, babu wanda ya yi wannan bajintar fiye da shi a kakar bana.

Wadanda suka alkalanci karawar:

Alkalin wasa: Craig Pawson

Mataimakansa: Lee Betts da kuma Richard West

Mai jitan ko-ta-kwana: Andre Marriner

Mai kula da VAR: Paul Tierney

Mataimakinsa:Stephen Child.

Sakamakon wasannin da aka buga a Gasar Premier League karawar mako na takwas:

Juma'a 6 ga watan Nuwamba

Asabar 7 ga watan Nuwamba

Lahadi 8 ga watan Nuwamba