Atletico Madrid: Ba na shakkar kowane kulob – Diego Simeone
Asalin hoton, Getty Images
Kocin Atletico Madrid Diego Simeone ya ce "idan 'yan wasana na kan ganiyarsu ba na shakkar kowa" yayin da yake shirn gwabzawa da Real Madrid a wasan karshe na Spanish Super Cup.
Za a buga wasan ranar Lahadi a filin wasa na King Abdullah Sports City na kasar Saudiyya bayan Atletico ta lallasa Barcelona ranar Alhamis .
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
"Karawa da kungiyoyi irin su Real Madrid da Barcelona da Liverpool na kara mana kwarewa," Simeone ya bayyana a wurin taron manema labarai gabanin wasan.
Ya ci gaba da cewa: "Irin wadannan wasanni ba irin wadanda muka saba bugawa a Laliga ba ne.
"Ina da kwarin gwiwa a kan 'yan wasana kuma za mu karfafa kungiyar. Duk sanda suke kan ganiyarsu ba na shakkar kowace kungiya.
"Ban san me zai faru ba idan muka samu nasara. Dole ne mu buga wasan da azama. A wurinmu babu wani abu mai muhimmanci sama da wasan gobe (Lahadi) kuma dama ce mai kyau a gare mu."
Mai tsaron raga Oblak da kuma Ángel Correa sun ji rauni, "amma za mu duba mu ga yadda za su yi atasaye a yammacin yau sai mu ga yadda za a yi," in ji Simeone.
