'Yan Real 12 aka gayyata tawagogin kasashensu

Kimanin 'yan kwallo 12 na Real Madrid ne aka bai wa goron gayyata domin buga wa kasashensu tamaula a wannan makon.

A wannan lokacin babu gasar kasashe musammam a nahiyar Turai, inda za a buga karawar neman shiga gasar Turai da na kofin duniya da na sada zumunta.

'Yan wasan Real da za su buga wa kashensu karawar neman gurbin shiga gasar kofin Turai a makonnan sun hada da Sergio Ramos da Carvajal da za su yi wa Spaniya tamaula.

Tawagar Faransa kuwa ta kira Varane da kuma Areola, ita ma Belgium 'yan wasan Madrid biyu ta gayyata da ya hada da Hazard da kuma Courtois.

Gareth Bale zai yi wa Wales wasa, haka ma Croatia ta kira Luka Modric domin buga mata karawar neman gurbin shiga gasar cin kofin nahiyar Turai da za a yi a 2020.

Shi kuwa Casemiro da Militao za su buga wa Brazil wasannin sada zumunta, inda Valverde zai buga wa Uruguay tamaula sai Rodrygo da zai buga wa tawagar Brazil ta Olympic karawar sada zumunta.

Wasannin neman shiga gasar cin kofin nahiyar Turai:

Ranar Alhamis 10 ga watan Oktoba

Juma'a 11 ga watan Oktoba

Asabar 12 Oktoba

Lahadi 13 Oktoba

Litinin 14 Oktoba