Russia 2018: Super Eagles ta fitar da sunayen 'yan wasa 30
Asalin hoton, Getty Images
Kocin tawagar kwallon kafar Najeriya Gernot Rohr ya fitar da kwarya-kwaryar sunayen 'yan wasa 30 wadanda daga cikinsu ake saran za su wakilci kasar a Gasar Cin Kofin Duniya wanda za a fara a watan Yuni a kasar Rasha.
Cikin 'yan wasan akwai tsohon dan wasan Chelsea Mikel Obi da Ahmed Musa da Odion Ighalo da Victor Moses da dai sauransu.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
A cikin wadannan 'yan wasan ne kocin Super Eagles din zai zabi 'yan wasa 23 wadanda za a tafi kasar Rasha da su don fafatawa a gasar wadda za a fara ranar 14 ga watan Yunin bana.
A ranar 4 ga watan Yuni ne kocin zai aikewa hukumar Kwallon Kafa ta Duniya (FIFA) sunaye 'yan wasa 23.
Najeriya tana rukunin D ne wanda ya kunshi kasashen Croatia da Iceland da kuma Argentina.
A shirye-shiryen tunkarar gasar, tawagar kasar za ta yi wasannin sada zumunci da DR Congo a ranar 25 ga watan Mayu, sai karawa da Ingila a ranar 2 ga watan Yuni.
