Debuchy zai yi jinyar makonni shida

Karanta rubutu kawai domin rage cin data
Ana saran Chambers ya maye gurbin Mathieu Debuchy

Asalin hoton, AFP

Bayanan hoto, Ana saran Chambers ya maye gurbin Mathieu Debuchy

Dan kwallon Arsenal, Mathieu Debuchy zai yi jinyar makonni shida sakamakon rauni a idon sawunsa abinda zai tilasta a yi masa tiyata.

Kocin Arsenal, Arsene Wenger ya ce dan wasan mai shekaru 28 ya ji rauni ne a wasansu da Manchester City a ranar Asabar.

Wenger kuma ya yi watsi da sukar da ake yi wa Mesut Ozil wanda ake cewar bai taka rawar gani ba a wasansu na tsakiyar mako tsakaninsu da Borussia Dortmund.

Kocin ya bukaci magoya baya su marawa Ozil baya domin samun nasarar kulob din.

Arsenal za ta buga wasa da Aston Villa a ranar Asabar inda ake saran Calum Chambers zai maye gurbin Debuchy.