Hotunan sabon kamfanin yin taki na Dangote da Buhari ya kaddamar

Karanta rubutu kawai domin rage cin data

Kamfanin sarrafa taki na Dangote — Bayanan hoto, Kamfanin zai samar da ton miliyan uku na takin zamani duk shekara.

22 Maris 2022

Shugaban Najeriya Muhammadu Buhari ya ƙaddamar da babban kamfanin sarrafa takin zamani a jihar Legas, wanda attajirin Africa, Alhaji Aliko Ɗangote ya gina.

Kamfanin na yankin Ibeju Lekki a Lagos, wanda aka bayyana ya laƙume dala biliyan 2.5.

Kamfanin zai samar da ton miliyan uku na takin zamani duk shekara.

Kamfanin takin na Dangote zai taimakawa Najeriya rage dogaro da takin da ake shigo da shi daga ƙasashen waje.

Abu biyar da ya sa Dangote ya ci gaba da zama attijirin Afrika tsawon shekara tara
Dangote ya gigita wasu matan Najeriya
Aliko Dangote: 'Yadda za ka zama kamar ni'

Kamfanin Dangote ya kuma ce kamfaninsa na taki zai taimakawa ƙasashen Afirka dogaro da kansu wajen samar da abinci da kuma fitar da shi zuwa ƙasashen waje.

Kaddamar da kamfanin na zuwa a daidai lokacin da farashin taki ya tashi sakamakon yaƙin Rasha a Ukraine, inda Rasha ce wadda ta fi samar da takin zamani a duniya.