Dan uwan Boris Johnson ya ajiye mukamin minista saboda bambancin siyasa
Jo Johnson, wanda kani ne ga Boris Johnson ya ce hankalinsa ya rabu biyu, "ko ya goyi bayan dan uwana, ko in goyi bayan kasata:
Mista Jo, wanda shi ne ministan kasuwanci kuma wakili ne na mazabar Orpington a yankin kudu maso gabashin birnin Landan, ya ce yana fuskantar matsanancin matsi a rayuwarsa da aikinsa.
Masana harkokin siyasa sun ce ajiye aikin da zai yi ba karamin tasiri zai yi a siysar yayan nasa ba.
Shi dai Jo Johnson ya kada kuri'ar Birtaniya ta yi zamanta ne a cikin Tarayyar Turai a lokacin da aka yi zabe raba gardama a 2016.
Shi kuwa yayansa Boris ya jagoranci masu cewa a fice ne.
Ajiye aikin da Mista Johnson din yayi ya biyo bayan korar wasu 'yan majalisa 21 'ya'yan jam'iyyar Conservative ne saboda sun ki goyon bayan Firai ministan kasar a majalisa.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Asalin hoton, Getty Images
