ભારતના સૌથી વૃદ્ધ ચીમપાનઝીનો બર્થડે ઉજવાયો

દિલ્હી સ્થિત નૅશનલ ઝૂઓલૉજિક્લ પાર્કના અધિકારીઓએ સૌથી વૃદ્ધ ચીમપાનઝી રીટા માટે જન્મદિવસની પાર્ટીનું આયોજન કર્યું હતું.

ઝૂના ડિરેક્ટર રેણુસિંહે બીબીસીને જણાવ્યું કે 'બર્થડે ગર્લ'ને ઘણી ભેટ મળી છે અને કેક પણ કાપવામાં આવી.

રીટા નામની આ માદા ચીમપાનઝીનો જન્મ 1960માં ઍમ્સ્ટર્ડમમાં થયો હતો, ત્યારબાદ ચાર વર્ષની ઉંમરે તેને દિલ્હીના ઝૂમાં લાવવામાં આવી હતી.

રીટા ભારતની સૌથી વૃદ્ધ ચીમપાનઝી છે, જેથી તેનાં 57માં જન્મદિવસની ઉજવણીનું આયોજન કરવામાં આવ્યું હતું.

રેણુસિંહે કહ્યું કે તેનો સ્વભાવ "ખૂબ જ મિત્રતાભર્યો" છે. તેમને જણાવ્યું, "અમે કેક કાપી અને મેં જ રીટાને મારા હાથે કેક ખવડાવી."

તમને આ પણ વાંચવું ગમશે

ગુરુવારે યોજાયેલી આ પાર્ટીમાં સ્કૂલનાં બાળકો પણ જોડાયાં હતાં.

રીટાના જન્મદિવસે ઝૂ બંધ હોવાથી પાર્ટીનું આયોજન એક દિવસ પહેલાં કરવામાં આવ્યું હતું.

જન્મદિવસની ભેટરૂપે ચીમપાનઝીને સોફ્ટ ટૉયઝમાં ફૂટબોલ અને અન્ય રમકડાં, તેમજ નવો બ્લૅન્કેટ પણ આપવામાં આવ્યો.

ડિરેક્ટરના જણવ્યા પ્રમાણે, ચીમપાનઝીને વીડિયો જોવા ગમતા હોવાથી તેના જન્મદિવસે વન્યજીવ સંબંધિત કેટલીક ફિલ્મોનું સ્ક્રીનિંગ કરવામાં આવ્યું હતું.

ચીમપાનઝી તેના પાંજરાની બહાર ભાગ્યે જ નીકળે છે, પરંતુ તેનાં પાંજરાની સામે એક સ્ક્રીન મૂકાઈ હતી.

અહીં બાળકો, પત્રકારો અને અન્ય મુલાકાતીઓ પણ આ ફિલ્મો જોઈ હતી.

સોશિઅલ મીડિયા પર આ વિશે લોકોએ શું કહ્યું?

ચીમપાનઝીને શુભેચ્છા આપતા ટ્વિટર યૂઝર નવીન જલોટાએ ટ્વિટ કર્યું. તેમણે લખ્યું, "ખૂબ જ સરસ... હું તેને જન્મદિવસની શુભેચ્છા આપું છું."

ટ્વિટર હૅન્ડલ પ્રવીણ કાસવાન પરથી ટ્વીટ કર્યું કે મારા તરફથી રીટાને ઝપ્પી.

ટ્વિટર યૂઝર લવ જનગનમનએ લખ્યું, "મારા તરફથી રીટા માટે એક ઝપ્પી."

શું ચીમપાનઝી વિશેની આ વાતો જાણો છો?

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો