Xavi: Perezida wa Barcelona Laporta yemeye ko ari mu biganiro n'uwahoze ari umukinnyi wayo
Ahavuye isanamu, Getty Images
Xavi "ashishikariye byuzuye" akazi ke ko gutoza Al Sadd nubwo bivugwa ko ashobora guhabwa umwanya wo kuba umutoza wa Barcelona ubu udafite nyirawo w'igihe kirekire, nkuko bivugwa n'iyo kipe yo muri Qatar.
Perezida wa Barcelona Joan Laporta yavuze ko ari mu biganiro n'uwo mugabo w'imyaka 41 wahoze ari umukinnyi wo hagati muri Barça, nyuma y'iyirukanwa ku wa gatatu rya Ronald Koeman.
Koeman yirukanwe nyuma y'umukino yatsinzwemo 1 - 0 kwa Rayo Vallecano.
Ariko ikipe Al Sadd yanditse kuri Twitter iti: "Xavi afite kontaro y'imyaka ibiri kandi ashishikariye byuzuye imikino y'ikipe yo mu bihe biri imbere".
Xavi ni we uhabwa amahirwe menshi yo gusimbura Koeman ndetse Laporta yagize ati: "Buri gihe navuze ko umunsi umwe [Xavi] azaba umutoza mukuru wa Barça ariko sinzi igihe [bizabera]".
"Dufite amakuru meza cyane kuri Xavi muri Al Sadd. Amakuru yacu yose [muri Barcelona] kuri Xavi ni meza. Dushobora kuvuga byinshi kuri Xavi, ariko sinshobora kubaha amakuru arenzeho. [Xavi] Ari mu binyamakuru byose, ariko tunafite andi mahitamo".
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
BBC ntibazwa ibivuye ku zindi mbuga.
Mu kiganiro n'abanyamakuru ku wa gatanu, Laporta yabajijwe niba ataratinze cyane mu gufata icyemezo kuri ejo hazaza ha Koeman muri iyo kipe.
Yagize ati: "Byashoboka, yego".
"Nsubije amaso inyuma biroroshye gusesengura, twumvaga ko Koeman akwiye kugirirwa icyizere abakinnyi bavunitse bagakira kandi bwari uburyo bwo gushyigikira umutoza.
"Narebye kuri bimwe na bimwe byiza. Birashoboka ko twari gufata icyemezo mbere kurushaho, nirengereye iby'iki cyemezo".
